مەکتەبی سیاسی بۆ کەناڵ 8: نمونەیەکی نوێ پێشکەش دەکەن

PUKMEDIA

لۆگۆی یەکێتیی نیشتمانیی کوردستان و کەناڵ 8

مەكتەبی سیاسی یەکێتیی نیشتمانیی کوردستان، بەبۆنەی تێپەڕبوونی ساڵێک بەسەر دامەزراندنی  کەناڵ 8 دا پەیامێکی پیرۆزبایی ئاڕاستەی سەرۆك و ئەندامانی بۆردی بەرێوەبەردنی  کەناڵەکە دەکات و رایدەگەیەنێت:"نمونەیەکی نوێتان لەناو كاروانی میدیای كوردستاندا پێشکەش کرد".

دەقی پەیامەکە:

بەرێزان سەرۆك و ئەندامانی بۆردی بەرێوەبەردنی كەناڵ  8 
 
بە بۆنەی تێپەڕ بوونی ساڵێك بەسەردامەزراندنی كەناڵی 8  دا پیرۆزباییەكی گەرمتان لێدەكەین
 
كەناڵی  8 لەماوەی ئەم یەك ساڵەی تەمەنی كاركردنیدا سەكۆیەكی چالاک  بووە بۆ گواستنەوە و گەیاندنی راستییەكان و نمونەیەکی نوێتان لەناو كاروانی میدیای كوردستاندا پێشکەش کرد. بەتایبەتی لە هەردوو وێستگەی هەڵبژاردنی پارلەمانی هەرێمی کوردستان  و رووداوەكانی رۆژئاوای كوردستان و سوریادا  بابەتیانەو بە هاوسەنگی روماڵی کەمپین و رووداوەكانتان بە جۆرێک کرد  كە لەئاست خواستی گشت بینەر و بیسەراندا بن 
 
هیوای بەردەوامی و سەركەوتنی زیاترتان بۆ دەخوازین


مەكتەبی سیاسی 
یەکێتیی نیشتمانیی کوردستان

PUKMEDIA