عیماد ئەحمەد: کەناڵ 8 بەرپرسیارانە لەئاست هەواڵ و گۆڕانکاری و پێشهاتەکاندایە

PUKMEDIA

لۆگۆی کەناڵ 8, تۆ شایەنی راستیت

عیماد ئەحمەد بەبۆنەی یادی یەک ساڵەی دامەزراندنی کەناڵ 8، پەیامێکی پیرۆزبایی ئاڕاستەی  سەرۆکی بۆردی بەڕێوەبردن و کارمەندانی کەناڵەکە دەکات و رایدەگەیەنێت:"کەناڵەکەتان لە ماوەی کارکردنی میدیایی ، پیشەیدا بەرپرسیارانە توانی لەئاست هەواڵ و گۆڕانکاری و پێشهاتەکاندا بێت".

دەقی پەیامەکە:

بەڕێز کاک ئەحمەد نەجم  
بەڕێزان میدیاکارانی ئازیزی کەناڵ (8)  

دوای سڵاو 

لە دڵەوە پیرۆزبایی گەرمتان لێدەکەم ، بەبۆنەی یەکەمین ساڵیادی دامەزراندنی کەناڵەکەتانەوە .

کەناڵەکەتان لە ماوەی کارکردنی میدیایی ، پیشەیدا بەرپرسیارانە توانی لەئاست هەواڵ و گۆڕانکاری و پێشهاتەکاندا بێت، کە ئەمە جێگای دەستخۆشی و ستایشمانەو هیوادارین لە ساڵی نوێی کارکردنیشتاندا وەک هەمیشە راستگۆیی و وردی رەنگ بداتەوە لە بەرنامەکانتاندا .

هەر شادبن و بمێنن بۆ خزمەتکردنی کاروانی راگەیاندنی کوردی و گەلەکەمان .

عیماد ئەحمەد

PUKMEDIA