رێککارەکانی دەرهێنانی مۆڵەتی شۆفێری نێودەوڵەتی بڵاودەکرێتەوە

PUKMEDIA

لۆگۆی بەڕێوەبەرایەتی هاتووچۆی هەرێم

دەست بە دەرهێنانی مۆڵەتی شۆفێری نێودەوڵەتی لەسەرجەم بەڕێوەبەرایەتییەکانی هاتووچۆی هەرێم دەکرێت و بەڕێوەبەرایەتی هاتووچۆی هەرێمیش سەرجەم رێککار و زانیارییەکان بڵاودەکاتەوە.


بەڕێوەبەرایەتی گشتی هاتووچۆی هەرێم لەڕاگەیەنراوێکدا کە وێنەیەکی بۆ PUKMEDIA نێردراوە، رایگەیاندووە:" لەئێستادا مۆڵەتی شۆفێری نێودەوڵەتی لە بەڕێوەبەرایەتی گشتی هاتووچۆی هەرێم و گشت بەڕێوەبەرایەتی هاتووچۆی پارێزگاکان و ئیدارە سەربەخۆکان دەردەهێندرێت".

" هاوکات بڕی تێچوو و ماوەی کارا بوونی مۆڵەتی شۆفێریی نێودەوڵەتی بە ٣ شێوە دەدرێت بە شۆفێران بە ماوە و بڕی رسوماتی جیاواز، بەجۆرێک بۆ ماوەی یەک ساڵ بڕی ٦٠،٠٠٠ هەزار دینار وەردەگیرێت و بۆ ماوەی دوو ساڵ بڕی ١١٠،٠٠٠ هەزار دینار وەردەگیرێت و بۆ ماوەی سێ ساڵ بڕی ١٦٠،٠٠٠ هەزار دینار وەردەگیرێت"، لەراگەیەنراوەکەدا هاتووە.


ئەمەش لەکاتێکدایە ئەو هاووڵاتییەی مۆڵەتی شۆفێری نێودەوڵەتی دەردەهێنێت، پێویستە مۆڵەتی شۆفێری ڕەسەن ی کارا واتە( بەسەر نەچووبێت ) و  پاسپۆرتی رەسەنی کارا واتە ( بەسەر نەچووبێت ) و دوو وێنەی رەنگاوڕەنگی پێبێت، هاوکات بە ماوەی نیو کاتژمێر مامەڵەکە راییدەکرێت و مۆڵەتەکەت وەردەگرێتەوە.

PUKMEDIA