لیژنه‌ی هاوبه‌شی یه‌كێتی و پارتی كۆده‌بنه‌وه‌

PUKMEDIA

لۆگۆی یەکێتیی نیشتمانیی کوردستان و پارتی دیموکراتی کوردستان

بڕیارە ئەمڕۆ سێشەممە ٢١-١-٢٠٢٥ لیژنەی هاوبەشی نێوان یەکێتی و پارتی جارێکی دیکە کۆببنەوە، بۆ دیاریکردنی جیاوازی و خاڵه‌ ناكۆكه‌كان لەنێوان هەردوولادا.

سه‌عدی ئه‌حمه‌د پیره‌ وته‌بێژی یه‌كێتیی نیشتمانیی كوردستان راگه‌یاند:"دوای ته‌واوكردنی كاره‌كانی لیژنه‌ی هاوبه‌شی نێوان یه‌كێتیی نیشتمانیی كوردستان و پارتی دیموكراتی كوردستان، وه‌فدی دانوستانكاری هه‌ردوولا كۆده‌بنه‌وه".
‌
"كۆبوونه‌وەکە‌ی ئه‌مڕۆی لیژنه‌ی هاوبه‌شی نێوان یه‌كێتی و پارتی كۆبوونه‌وه‌یه‌كی هونه‌رییه‌، بۆ دیاریكردنی جیاوازی و خاڵه‌ ناكۆكه‌كان و چارەسەرکردنیان"، سەعدی ئەحمەد پیرە وایوت.

وتەبێژی یەکێتیی نیشتمانیی کوردستان ئاماژەی بەوەشکرد: وه‌فدی هاوبه‌شی هه‌ردوولا به‌رپرسیارن له‌ ئاماده‌كردنی ره‌شنووسێكی به‌رپرسیارانە و دۆزینەوەی چارەسەر بۆ خاڵه‌ جیاوازه‌كان، كه‌ له‌ ئاینده‌دا ده‌بێته‌ پرۆژه‌ی به‌یه‌كه‌وه‌ كاركردنی نێوان هه‌ردوولا".

ئەمەش لەکاتێکدایە، پێشتر لیژنەی هاوبەشی یەکێتی و پارتی سێ جاری دیکە کۆبوونەتەوە بۆ ئامادەکردنی رەشنووسێک لەبارەی پێکهێنانی حکومەتی نوێی هەرێمی کوردستان-ەوە.


PUKMEDIA/ کوردستانی نوێ