وەزارەتی دارایی: تەمەنی خانەنشینی بۆ وارسی شەهیدان زیاد دەکات

ئاژانسەکان

وەزارەتی دارایی و ئابووری حکومەتی هەرێمی کوردستان

وەزارەتی دارایی و ئابووری حکومەتی هەرێمی کوردستان ئاگادارییەک ئاڕاستەی ئەو فەرمانبەرانە دەکات، کە تەمەنی یاساییان تەواو كردووە و خاوەنی شەهیدی پلە یەك و پلە دوون.

     
لەڕاگەیەنراوێکدا کە وێنەیەکی بۆ PUKMEDIA نێردراوە رایگەیاندووە:" وەزارەتی  دارایی و ئابووری لەسەر بنەمای جێبەجێکردنی یاسای خانەنشینی یەکگرتووی عیراق ژمارە (٩)ی ساڵی ٢٠١٤ ، و ئاماژە بە فەرمانی  سەرۆكی ئەنجومەنی وەزیرانی هەرێمی کوردستان ژمارە (١٩١) لە ڕێكەوتی ( ٢٠٢٥/١/١٥ ) بڕگەی سێیەم لە خاڵی (٢) هاتووە ئەو فەرمانبەرانەی تەمەنی یاساییان تەواو كردووە و بەڵام خاوەنی شەهیدی پلە یەك و پلە دوون پێویستە لەڕۆژی چوارشەممە ڕێكەوتی ( ٢٠٢٥/١/٢٢ ) تا سەعات ( ٢ )ی ڕۆژی پێنج شەممە ( ٢٠٢٥/١/٢٣ ) ئەم فۆڕمە پڕ بکەنەوە تا داتاکانیان ڕەوانەی وەزارەتی دارایی حکومەتی فیدراڵ بکرێت ، بۆ ئەنجامدانی کاری پێویست بۆ بەردەوام بونیان لەخزمەت".

لینکی پڕکردنەوەی فۆڕمەکە:

https://forms.gle/YQHfnLc2hPoKioEy5



PUKMEDIA