زانکۆی سلێمانی لەچەند بوارێکدا یەکەمی عیراقە

PUKMEDIA

دەروازەی زانکۆی سلێمانی

زانکۆی سلێمانی لە بوارەکانی ئەندازیاری، زانستە فیزیکییەکان و پزیشکی و تەندرووستی-دا، یەکەمی زانکۆکانی عیراقە.

بەپێی ڕاگەیەنراوێکی ڕاگەیاندنی زانکۆی سلێمانی، لە (ڕیزبەندیی بوارەکانی خوێندن ٢٠٢٥ – Subject Rankings 2025)، کە لەلایەن دامەزراوەی تایمز بۆ خوێندنی باڵا (THE) ئەنجام دەدرێت، لە کۆی ٢٠٩٢ زانکۆی ڕیزبەندکراو لەسەر ئاستی جیهان، زانکۆی سلێمانی ئەم ئەنجامانەی خوارەوەی بەدەستهێنا.

لە بوارەکانی ئەندازیاری، زانستە فیزیکییەکان و پزیشکی و تەندرووستی-دا، زانکۆی سلێمانی پلەی یەکەم لەسەر ئاستی سەرجەم زانکۆکانی عێراق وەردەگرێت.

لە ئەنجامدانی هەڵسەنگاندنەکەدا، دامەزراوەی تایمز هەمان پێوەرەکانی ڕیزبەندیی زانکۆکانی جیهان، کە بریتین لەمانەی خوارەوە، بەکارهێناوە.

Teaching (ژینگەی فێربوون)

Research Environment (ژمارە و ناوبانگی توێژینەوەکان)

Industry (گواستنەوەی زانیاری)

International Outlook (بەنێودەوڵەتیبوون

PUKMEDIA