وەزارەتی دارایی: دوای گەیشتنی پارە لەبەغداوە راستەوخۆ دەست بەدابەشكردنی مووچە دەكەین

راگەیاندنی وەزارەتی دارایی و ئابووری

وەفدی وەزارەتی دارایی هەرێم و وەزارەتی دارایی حكومەتی فیدراڵ

وەزارەتی دارایی هەرێم رایدەگەیەنێت: "تیمە تەكنیكیەكانمان سەرقاڵی تەواوكردنی رێكارەكانی ناردنی تەموویلی مووچەی مانگی یەكی ئەمساڵن و چاوەڕوان دەكرێت لە نزیكترین كاتدا تەموویلەكە بخرێتە سەر هەژماری بانكی دارایی هەرێم و بەگەیشتنی تەمویلەكەش راستەوخۆ دەست بەدابەشكردنی مووچە دەكرێت".   

لەڕاگەیەندراوێكی راگەیاندنی وەزارەتی دارایی و ئابووری  حكومەتی هەرێمی كوردستان كەكۆپییەكی دەست  PUKMEDIA كەوتووە راگەیەندراوە: "وەفدە تەكنیكیەكانی وەزارەتی دارایی هەرێم و وەزارەتی دارایی حكومەتی فیدراڵ بۆ چارەسەركردنی كێشە تەكنیكییەكان و جێبەجێكردنی داواكارییەكان و ئامادەكردنی خشتەكان لەبارەی لیستی مووچەی فەرمانبەران و خانەنشینان و هێزە سەربازی و ئەمنییەكان و سوودمەندانی چاودێری كۆمەڵایەتی، هەردوولا لەسەر شایستەكانی مووچەخۆرانی هەرێمی كوردستان بۆ ساڵی 2025 گەیشتنە رێككەوتنی كۆتایی".     

راشیگەیاندووە: "لەئێستادا تیمە تەكنیكییەكانی وەزارەتی دارایی هەرێمی كوردستان سەرقاڵی تەواوكردنی رێكارەكانی ناردنی تەموویلی مووچەی مانگی یەكی ساڵی 2025 ن و چاوەڕوان دەكرێت لە نزیكترین كاتدا تەموویلەكە بخرێتە سەر هەژماری بانكی وەزارەتی دارایی هەرێمی كوردستان و بەگەیشتنی تەمویلەكە راستەوخۆ دەست بەدابەشكردنی مووچە دەكرێت".           

PUKMEDIA