سەرۆككۆمار: نەجەف پایتەختی زانست و شاری زانایانە

راگەیاندنی سەرۆكایەتی كۆمار

سەرۆككۆمار پێشانگای نێودەڵەتی پەرتوكی نەجەف دەكاتەوە

د.لەتیف جەمال رەشید سەرۆككۆماری عیراق، رۆژی چوار شەممە 12ی شوباتی 2025 پێشانگای نێودەوڵەتی پەرتوكی نەجەفی بەئامادەبوونی پارێزگاری نەجەف، ئەندازیار یوسف كەناوی و سەرۆكی ئەنجومەنی پارێزگا دكتۆر حوسێن عیساوی و ژمارەیەك لەلێپرسراوان كردەوە.

 سەرۆككۆمار لەوتەیەكدا كە لەكردنەوەی ڕێوڕەسمەكەدا پێشكەشی كرد، جەختی لەوە كردەوە كەشاری نەجەف پایتەختی زانست و ئەدەب و شاری زانایانە و لەسەر خاكەكەی ناوەندێكی زانستی دامەزراوە كەتەمەنی زیاتر لە هەزار ساڵە و خوێندنگەكانی زانایانی گەورە  و نووسەرانی پێگەیاندوە و ئاماژەی بەوەشدا كەئەنجامدانی ئەم بۆنەیە لەسەر خاكی نەجەف مانایەكی تایبەتی هەیە. 

دەقی وتارەكەی سەرۆككۆماری عیراق:

به ناوی خودای بەخشندەی میهرەبان

خوشكان و برایان

 سڵاوی خودای گەورەتان لێبێت 

ئەمڕۆ لەشاری پیرۆزی نەجەف، شاری زانست و زانایان كۆدەبینەوە، بۆ بەشداریكردن لەچالاكییەكانی پێشانگای نێودەوڵەتی پەرتوكی نەجەف لە  چوارەهەمین چالاكیەكانیدا، ئەم پێشانگایە لەخولەكانی پێشوویدا بەشدارییەكی جەماوەری بەرچاوی بەخۆیەوە بینی، و شەرەفی ئەوەمان هەبوو كە سپۆنسەری چالاكیەكانی بكەین، و بەپەرۆشین لەم خولەیشدا سپۆنسەری بكەین، بەهۆی كاریگەرییە مرۆیی و كلتوورییەكانی لەسەر كۆمەڵگە.

 شاری نەجەف پایتەختی زانستی و ئەدەبی و شاری زانایانە لەسەر خاكەكەی ئەو ناوەندە ئایینیە هاتەكایەوە كەتەمەنی زیاتر لە هەزار ساڵە، و خوێندنگەكانی گەورە زانایان و نووسەرانی پێگەیاندوە، لەم ڕوانگەیەوە پێمان وایە كەئەنجامدانی ئەم چالاكیە لەسەر خاكی نەجەف مانایەكی تایبەتی هەیە.

ڕژێمی پێشوو سەرنجی خستبوە سەر نەجەف، نەك بۆ چاودێری بەڵكو وەك دوژمنایەتیكردن و زۆریش هەوڵیدا بڵێسەی زانستی نەجەف بكوژێنێتەوە، لەڕێگای بەئامانجگرتنی زانایان و نووسەران و تەنانەت خوێنەرانی شاركە، بەڵام ئەم ئامانجگرتنە هاندەرێك بوو بۆ خەڵكی نەجەف بۆ ئەوەی ڕوو لە خوێندنەوە و نووسین بكەن، لەبەر ئەوەیە كەنەجەف هەر وەك چۆن هەموو عێراق بەملكەچ نەكردن مانەوە .

 سوپاسی بەرپرسیارانی ئەم چالاكییە زانستییە نوێبووەوە  دەكەین و هیوای سەركەوتن بۆ هەموو لایەكیش دەخوازین كەشوێنپێی پێشینەكانیان لە هەڵگرتنی ئاڵای خوێندنەوە و ڕۆشنبیری و داهێناندا گرتوەتەبەر.

سڵاوی خوداتان لێ بێت.

PUKMEDIA