دووهه‌مین دیداری یه‌كێتی ده‌ستپێده‌كات

PUKMEDIA

دیداری یەکێتی

ئه‌مڕۆ شه‌ممه‌ 15-2-2025 دووهه‌مین دیداری یه‌كێتیی نیشتمانیی كوردستان به‌سه‌رپه‌رشتی قوباد تاڵه‌بانی لێپرسراوی سكرتارییه‌تی سه‌رۆك مام جه‌لال و به‌دروشمی"به‌دیدگایه‌كی نوێ؛ به‌هێزی و به‌ره‌وپێشچوون و خزمه‌تگوزاری" له‌موسڵه‌وه‌ ده‌ستپێده‌كات، بۆ ئه‌و مه‌به‌سته‌ش پێشتر لیژنه‌ی باڵای دیدار، به‌سه‌رپه‌رشتی دكتۆر یوسف گۆران، ئه‌ندامی مه‌كته‌بی سیاسی چه‌ندین كۆبوونه‌وه‌ی ئه‌نجامداوه‌.

ئامانجی دیداره‌كه‌ وه‌ك له‌ دروشمه‌كه‌یدا دیاره‌ داڕ‌شتنه‌وه‌و تاوتوێكردنه‌وه‌ی دیدگایه‌كی نوێ و ئاماده‌كاری و خۆسازدانی یه‌كێتییه‌ بۆ قۆناغێكی نوێی ژیانی سیاسی و حكومڕ‌انی له‌ هه‌رێمی كوردستان و كادرانی یه‌كێتی و كه‌سایه‌تی و پێكهاته‌كانی موسڵ به‌شداری تێدا ده‌كه‌ن و پاشان له‌سه‌رجه‌م پارێزگاو ناوچه‌ دیاره‌كان به‌ڕ‌ێوه‌ده‌چێت.

له‌رۆژانی دیداره‌كه‌دا كادرانی یه‌كێتی دیدگا و تێڕ‌وانینی خۆیان بۆ داهاتووی حزبه‌یه‌كان ده‌خه‌نه‌ڕ‌وو، هاوكات دیداره‌كه‌ هه‌وڵێكی دیكه‌یه‌ بۆ به‌هێزكردنی پێگه‌و سه‌نگی یه‌كێتی وه‌ك حزبێكی دیارو كاریگه‌ر له‌سه‌ر ئاستی هه‌رێمی كوردستان و عێراق و وڵاتانی ناوچه‌كه‌و جیهان خۆگونجاندنی له‌گه‌ڵ كۆی ئه‌و گۆڕ‌انكاریانه‌ی له‌ ئارادایه‌.

به‌ گوێره‌ی په‌یڕ‌ه‌وی ناوخۆی په‌سه‌ندكراوی كۆنگره‌ی پێنجه‌م، دیداری یه‌كێتی چالاكییه‌كی ره‌سمیی ده‌ورییه‌و به‌شێكه‌ له‌ وێستگه‌كانی خه‌باتی فراوانی هه‌ڤاڵانه‌.

PUKMEDIA