دادگای فیدراڵی سکاڵاکەی لەبەرژەوەندی سەرۆک کۆمار یەکلاکردەوە

PUKMEDIA

دادگای فیدراڵی

دادگای فیدراڵی سکاڵاکەی لە بەرژەوەندی سەرۆک کۆمار یەکلایی کردەوە و دەبێت بەبانکیکردنی موچەی موچەخۆران جێبەجێ بکرێت

د. لەتیف رەشید سەرۆك كۆماری عیراق، لە دادگای فیدراڵی سكاڵای دژی سەرۆك وەزیران و سەرۆكی ئەنجومەنی نوێنەران و وەزیری دارایی عیراق تۆماركردبوو، داوایكردبوو وەزارەتی دارایی عیراق پابەند بكرێت بە دابەشكردنی موچەی ووچەخۆرانی هەرێم و بە بانكیكردنی موچەكانیان، ئەمڕۆش دادگای فیدراڵی سکاڵاکە لەبەرژەوەندی سەرۆک کۆمار یەکلایی کردەوە.

لە رۆژی 9-2-2025 د.لەتیف جەمال رەشید سەرۆک کۆماری عیراق لە بارەی موچەی فەرمانبەرانی هەرێمەوەو تەوتین نەکردنی مووچەوە لە دادگای فیدڕاڵی عیراق سکاڵای یاسایی لەسەر سەرۆک وەزیران و سەرۆکی ئەنجومەنی نوێنەران و وەزیری دارایی عیراق تۆمارکردوو، كە دادگای باڵای فیدراڵی عیراق سکاڵاکەی بڵاوكردەوە کە لە چوار خاڵ پێكهاتووە و داوادەكرێت فەرمانێكی وەلائی خێرا بە پابەندكردنی وەزارەتی دارایی عیراق بە خەرجكردنی موچەی فەرمانبەرانی هەرێم دەربکرێت، هاوکات، پابەندكردنی وەزارەتی دارایی عیراق بە خەرجكردنی موچەی فەرمانبەرانی هەرێم بە شێوەیەكی بەردەوام بەبێ دواکەوتن و بۆ جێبەجێكردنی تەوتین و بەبانكیكردنی موچەیە بە پێی رێنماییەكانی بەبانكیكردن، کەتێیدا هاتبوو بەبانكیكردنی موچەی فەرمانبەرانی هەرێم هاوشێوەی ئەو رێكارانە بێت كە لە حكومەتی عیراق دەگیرێنەبەر.

PUKMEDIA