وەفدی دانوستانکاری یەکێتی و پارتی لەسلێمانی کۆدەبنەوە

PUKMEDIA

لۆگۆی یەکێتیی نیشتمانیی کوردستان و پارتی دیموکراتی کوردستان

بڕیارە ئەمڕۆ ٢٢-٢-٢٠٢٥ وەفدی دانوستانکاری یەکێتی و پارتی لە سلێمانی بۆ گفتوگۆکردن لەسەر پێکهێنانی کابینەی نوێی حکومەت کۆببنەوە.

 سەعدی ئەحمەد پیرە وتەبێژی یەکێتی بەوێبسایتی رەسمیی یەکێتیی نیشتمانیی کوردستان PUKMEDIA ی راگەیاند:" ئەمڕۆ وەفدی دانوستانکاری یەکێتی و پارتی لەسلێمانی کۆدەبنەوە و گفتوگۆ لەسەر دواین پەرەسەندنەکانی پێکهێنانی کابینەی نوێی حکومەتی هەرێم دەکەن".

"بەرەوپێشچوون لە گفتوگۆکانی پەیوەست بە پێکهێنانی کابینەی نوێی حکومەت هەیە، خوازیارین بەزووترین کات هەردوولا لەسەر کۆی خاڵەکان بگەنە رێککەوتن و حکومەتێکی خزمەتگوزار و کارا کە وەڵامدەرەوەی ئەم قۆناغەبێت پێکبهێندرێت"، پیرە وایوت .

ئەمەش لەکاتێکدایە، لەماوەی رابردوودا پێنج جار لیژنە هاوبەشەکەی یەکێتی و پارتی بۆ تاوتووێی پرسی پێکهێنانی حکومەتی داهاتووی هەرێمی کوردستان کۆبوونەوە و رەشنوسێکیان وەک ستراتیژی بەڕێوەبردنی حکومەتی داهاتوو ئامادەکرد، ئەمڕۆش لەکۆبوونەوەیەکدا  گفتوگۆی لەسەر دەکەن.


PUKMEDIA