دژەتیرۆر ژمارەیەک تیرۆرست دەستگیردەکات

PUKMEDIA

لۆگۆی دژە تیرۆر

لە ئۆپەراسیۆنێکی هەواڵگری و سەربازی ورددا، هێزەکانی بەڕێوەبەرایەتی گشتیی دژەتیرۆر و هاوپەیمانان توانییان ژمارەیەک چەکداری داعش دەستگیر بکەن کە پەیوەندییان لەگەڵ بەرپرسانی پێشووی بەناو ویلایەتی بەغدادی دەوڵەتی ئیسلامی هەبووە.

لەراگەیەنراوێکدا کە وێنەیەکی بۆ PUKMEDIA نێردراوە، هێزەکانی بەڕێوەبەرایەتی گشتیی دژەتیرۆر رایگەیاندووە:" تیرۆرستە دەستگیرکراوەکان پەیوەندی ڕاستەوخۆیان لەگەڵ ژمارەیەک لە بەرپرسە سەربازییەکانی داعش هەبووە و پلانیان داڕشتووە بۆ ئەنجامدانی کردەوەی تیرۆریستی لە سنووری پارێزگای کەرکوک پاش رووخانی ڕژێمی سوریا".

" تۆمەتبارەکان پێشتر ئەندامی چالاکی ڕێکخراوی داعش بوون و پەیوەندی بەهێزیان لەگەڵ سەرکردە دیارەکانی داعش هەبووە و بەشداربوون لە پلاندانان بۆ هێرشی چەکداری لە ناوچەکە"، لەراگەیەنراوەکەدا هاتووە.

هەر لەراگەیەنراوەکەدا ئاماژە بەوەشکراوە:"توانرا بە شێوەیەکی پڕۆفیشناڵ و بێ هیچ زیانێک ئۆپەراسیۆنەکە ئەنجام بدرێت و تۆمەتبارەکان دەستگیر بکرێن، پاشان تۆمەتبارەکان ڕادەستی دادگای تایبەتمەند کران بۆ لێکۆڵینەوەی زیاتر و وەرگرتنی سزای یاسایی".

PUKMEDIA