دژەتیرۆر ئۆپەراسیۆنێکیان بۆ چەسپاندنی ئارامی ئەنجامدا

PUKMEDIA

لۆگۆی دژە تیرۆر

هێزەکانی بەڕێوەبەرایەتی گشتیی دژەتیرۆر بە هاوبەشی لەگەڵ هاوپەیمانی نێودەوڵەتیی ئۆپەراسیۆنێکیان ئەنجامدا بۆ چەسپاندنی ئارامیی لەو ناوچانەی کە بەشێک پاشماوەی تیرۆرستان وەک حەشارگە و مۆڵگە بەکاریدەهێنن.

لەڕاگەیەنراوێکدا کە وێنەیەکی بۆ PUKMEDIA نێردراوە، هێزەکانی بەڕێوەبەرایەتی دژەتیرۆر رایگەیاند:  "لە درێژەی هەوڵە بەردەوامەکانی بۆ ڕاوەدوونانی پاشماوەی گروپە تیرۆرستییەکان، بەڕێوبەرایەتیی گشتیی دژەتیرۆر و هاوپەیمانی نێودەوڵەتیی ئۆپەراسیۆنێکیان ئەنجامدا بۆ چەسپاندنی ئارامیی لەو ناوچانەی کە بەشێک پاشماوەی تیرۆرستان وەک حەشارگە و مۆڵگە بەکاریدەهێنن".



 لەڕاگەيەنراوەکەدا ئەوەش هاتووە:" دژەتیرۆر و هاوبەشە ناوخۆیی و نێودەوڵەتییەکانی، ئەو چاوە کراوەیە دەبن کە بست بە بست و دۆڵ بە دۆڵی عێراق و هەرێمی کوردستان بەدوای هەر مۆڵگە و حەشارگە و بارەگایەکی تیرۆرستاندا دەگەڕێن و لەناوی دەبەن".


PUKMEDIA