چوارشەممە شەمەندۆفەری دیداری یەکێتیی لە سلێمانی دەبێت

PUKMEDIA

دیداری یەکێتی

بڕیارە رۆژی چوارشەممە  ( ١٩-٣-٢٠٢٥) کۆنفرانسی خولی دووەمی دیداری یەکێتیی، کۆنفرانسی سلێمانی- چەمچەماڵ لە شاری سلێمانی، شاری هەڵمەت و راپەڕین و قوربانی ، بکرێت.

سکرتاریەتی لیژنەی باڵای دیدار رایگەیاند: کۆنفرانسی حەوتەمی دیدار لە شارە حەیاتەکە کۆمەڵێک تەوەرەی گرنگ لە خۆدەگرێت کە میوانداری  روانگەی تێکۆشەران و هەڤاڵانی شارە حەیاتەکە و سنووری چەمچەماڵ دەکات لەسەر  سیاسەت و پرسەکانی یەکێتی و رێوشوێنەکانی گەشەپێدان و ئەبدەیتکردنەوەی ئۆرگانەکانی حزب . 

کۆنفرانسی  چوار شەممە دوا بەدوای کۆنفرانسەکانی موسڵ ، بادینان، کۆیە، هەوڵێر، گەرمیان- خانەقین و ئینجا شارەزوور دێت. کۆنفرانسەکانی  راپەرین و کەرکوک- دووزیش ماون کە بەم زوانە کاتەکەی رادەگەیەنرێت  

سەرجەم ئەم کۆنفرانسانە لە چوارچێوەی ئامادەکاریدان  بۆ دیدارە گەورەکە بە ئامادەبوونی سەرۆک بافڵ جەلال تاڵەبانی سەرۆکی یەکێتیی نیشتمانیی کوردستان. 

بە گوێرەی پەیڕەوی ناوخۆی پەسەندکراوی کۆنگرەی پێنجەم، دیداری یەکێتی چالاکییەکی رەسمیی دەورییە و بەشێکە لە وێستگەکانی خەباتی فراوانی هەڤاڵانە, یەکەم دیداری یەکێتی بەسەرپەرشتی قوباد تاڵەبانی لە بەرواری ١٢-٣-٢٠٢٢ دەستپێکرد و لە٣١-٥-٢٠٢٢ کۆتایی بەکارەکانی هێنا و سیاسەتەکانی یەکێتی لە بوارە جیاجیاکاندا داڕشت و بووە بنەمایەک بۆ سیاسەتی گشتی یەکێتی.

PUKMEDIA