لیژنەکانی کۆنفرانسی دیدار سیاسەت و کاری داهاتووی یەکێتی تاووتوێدەکەن

PUKMEDIA

لۆگۆی یەکێتیی نیشتمانیی کوردستان

سبەینێ 19ی3ی 2025 سەعات 11:00ی سەرلەبەیانی حەوتەمین کۆنفرانسی دیداری یەکێتی لە تەلاری هونەری شاری سلێمانی بەڕێوەدەچێت و ئەندامێکی لیژنەی کۆنفرانس-یش دەڵیت:" لیژنەکان بەپێی پێویستیی و خواستی ئەمڕۆ دیاریکراون".

چرۆ شەهاب ئەندامی لیژنەکانی خوێندنی باڵا و  رۆشنبیری و کلتوری حەوتەمین کۆنفرانسی دیداری یەکێتی بە وێبسایتی رەسمی یەکێتیی نیشتمانیی کوردستان PUKMEDIA ی راگەیاند : "سبەینێ کۆنفرانسی سلێمانی-چەمچەماڵ لە شاری سلێمانی بەرێوەدەچێت، کە تێیدا چەند لیژنەیەک کە بەپێی پێویستیی و خواستی ئەمڕۆ دیاریکراون، کە هەر لیژنەیەک لە چەند ئەندامێک پێکدێن و پیشنیار و بۆچوونەکانیان لەچوارچێوەی راپۆرتێکدا بۆ دیدار دەخەنەڕوو، کە کاریگەری هەیە لەباشترکردنی رێڕەوی لەناو حکومەت و حزب و لە داهاتوودا دەتوانین هەنگاوێکی باشتر بنێنن".

" ئاشکرایە لەئێستادا گۆڕانکاری سەردەمیانە هەیە، ئێمەش پێویستە خۆمان لەگەڵ گۆڕانکارییەکان بگونجێنین، نەک گۆڕانکارییەکان لەگەڵ خۆماندا بگونجێنین، بۆیە ئەم دیدارانە کاریگەری هەیە لەسەر چۆنیەتی کارکردنمان و خۆگونجاندنمان لە بواری حوکمڕانی و کاری حزبی"،چرۆ شەهاب وایوت.

 چرۆ شەهاب ئاماژەی بەوەشکرد:" هەر لیژنەیەک راپۆرتی خۆی دەنوسێت و بەرزیدەکاتەوە بۆ لیژنەی باڵای دیدار، کە هەر راپۆرتێک چەندین پێشنیاری تێدایە لە بواری چاکسازی و رێکخستنەوە و گرنگی پێدانی زیاتر بە داهێنانەکان،کە هەموو ئەمانە کاریگەریان دەبێت لەسەر کاروبارەکانی حزب و هاوکات پێکهێنانی حکومەتی داهاتووش، لەگەڵ ئەوەی لیژنەکان زەمینەسازییشیانکردووە کە لەرۆژەکانی داهاتوودا راپۆرتەکان لەلایەن ئەو کەسانەی کەبەشدارن زیاتر دەوڵەمەند بکەن".

بە گوێرەی پەیڕەوی ناوخۆی پەسەندکراوی کۆنگرەی پێنجەم، دیداری یەکێتی چالاکییەکی رەسمیی دەورییە و بەشێکە لە وێستگەکانی خەباتی فراوانی هەڤاڵانە، یەکەم دیداری یەکێتی بەسەرپەرشتی قوباد تاڵەبانی لە بەرواری ١٢-٣-٢٠٢٢ دەستپێکرد و لە٣١-٥-٢٠٢٢ کۆتایی بەکارەکانی هێنا و سیاسەتەکانی یەکێتی لە بوارە جیاجیاکاندا داڕشت و بووە بنەمایەک بۆ سیاسەتی گشتی یەکێتی.

PUKMEDIA