خالید شوانی: کێشەی مووچە بەبنەڕەتی چارەسەر بووە

PUKMEDIA

خالید شوانی

وەزیری دادی عیراق رایدەگەیەنێت:" کێشەی مووچە بەشێوەیەکی بنەڕەتی چارەسەربووە و هیچ کێشەیەکی سیاسی لەپشتەوە نییە".

خالید شوانی وەزیری دادی حکومەتی عیراق لەکۆنگرەیەکی رۆژنامەوانیدا رایگەیاند:"کێشەی مووچە بەشێوەیەکی بنەڕەتی چارەسەربووە و هیچ کێشەیەکی سیاسی لەپشتەوە نییە، ئەوەی دەمێنێتەوە رێککەوتنەکانی نێوان حکومەتی عیراق و حکومەتی هەرێمە، کە پێویستە هەرێم جێبەجێیان بکات تا مووچە دووانەکەویت".

راشیگەیاند:"هەندێک لەکێشەکانی مووچە بەیاسا چارەسەرکراون، ئەو کێشانەی کەلەئێستادا هەن تەکنیکی و هونەرین نەک کێشەی سیاسی، بۆیە پەیوەندی بە خۆڕێکخستنەوە و خۆگونجاندنی هەرێمەوە هەیە لەگەڵ ئەو بنەما و رێنماییانەی کە لەحکومەتی عیراقەوە هەیە".

PUKMEDIA