نرخی نەوت بەرزدەبێتەوە

PUKMEDIA

نرخی نەوت

لەبازاڕەکانی جیهاندا نرخی نەوت بۆ ئەمڕۆ سێشەممە دیاریکرا و بەبەراورد بە رۆژانی رابردوو نرخەکە کەمێک بەرزبووەتەوە.

ئاژانسە جیهانییەکان نرخی نەوتی خاوی بۆ ئەمڕۆ سێشەممە 8-4-2025 بەمشێوەیە دیاریکردووە، بەجۆرێک نرخی یەک بەرمیل نەوت گەیشتووەتە 65 دۆلار و 2 سەنت، بەوپێیەش بەراورد بە دوێنێ نرخەکەی بەرزبووەتەوە کە نرخی بەرمیلێک بە 60 دۆلار و 21 سەنت بوو، هاوکات نرخی بەرمیلێک نەوتی خاوی ئەمریکای رۆژئاوای تەکساس (WTI)  گەیشتوەتە 61.61 دۆلار.


ئەمەش لەکاتێکدایە بەراورد بە رۆژانی رابردوو نرخی نەوت رۆژانە روو لە دابەزین دەکات و هەندێک سەرچاوەش ئاماژە بۆ ئەوەدەکەن کە هۆکاری دابەزینی نرخی نەوت لە بازاڕەکانی جیهاندا زیادکردنی باجەکانی دۆناڵد ترەمپ سەرۆکی ئەمریکایە بۆسەر وڵاتان، کەلەبەرامبەردا چینیش باجی خستە سەر کاڵای ئەمریکی، کە جەنگێکی بازرگانی پێک هێناوەو بەگشتی کاریگەری لەسەر چالاکییە ئابوورییەکان دەبێت.

PUKMEDIA