دادوەر سدقی سەلیم لەبەردەم سەرۆک کۆمار سوێندی یاسایی دەخوات

PUKMEDIA

سوێندخواردنی دادوەر سدقی سەلیم

رۆژی سێشەممە 8 ی نیسانی 2025 لە کۆشکی بەغدا، ئەندامی دادگای فیدراڵی دادوەر سدقی سەلیم خان نوعمان لەبەردەم  د.لەتیف جەمال رەشید سەرۆک کۆماری عیراق بە ئامادەبوونی سەرۆکی دادگای باڵای فیدراڵی دادوەر جاسم محەمەد عەبود ئەلئەمیری سوێندی یاسایی خوارد.

سەرۆک کۆمار هیوای سەرکەوتنی بۆ دادوەر خواست لە جێبەجێکردنی ئەو ئەرکە نیشتمانییانەی کە پێی سپێردراوە و لە کۆبوونەوەکەدا  ئاماژەی بە پێویستی بەهێزکردنی هاوکاری و هەماهەنگی نێوان دامەزراوە باڵاکانی دەوڵەت کرد بۆ خزمەتکردنی هاووڵاتیان و پاراستنی دەستوور.

هەروەک جەختی لەسەر گرنگی سەربەخۆیی دادوەری و سەروەری یاسا کردەوە بەشێوەیەک کە بەدیهێنانی دادپەروەری مسۆگەر بکات و مافی هاوڵاتیان بۆ ژیانێکی ئازاد و شکۆمەند فەراهەم بکات و هەروەها پێویستی ڕێزگرتن لە دەستوور و پابەندبوون بە بڕگەکانی وەک ڕێگایەکە بۆ عێراقێکی ئارام و سەقامگیر.

لای خۆیەوە سەرۆکی دادگای باڵای فیدراڵی سوپاسی خۆی بۆ سەرۆک کۆمار دەربڕی و جەختی لەسەر گرنگی پشتیوانی جەنابیان بۆ کاری دادوەری کردەوە کە سیمبولی دەوڵەتە و پارێزەری دەستوور و یاسایە لە وڵاتدا.

PUKMEDIA