کتێبی (بێبلۆگرافیای خەڵاتی زێڕینی بلە) دابەشکرا

دەزگای ئیبراهیم ئەحمەد

خاتوو شاناز لەمەراسیمی دابەكردنی کتێبی بێبلۆگرافیای خەڵاتی زێڕینی بلە

لە ساڵیادی کۆچی دوایی بیرمەند و نووسەر و سیاسەتمەدار و ڕۆماننووسی بەناوبانگ، ئیبراهیم ئەحمەد، دەزگای ئیبراهیم ئەحمەد مەراسیمێکی دابەشکردنی کتێبی لە شاری سلێمانی بەڕێوەبرد، بە ناوی "بێبلۆگرافیای خەڵاتی زێڕینی بلە" کە کتێبەکە هەموو ڕووداوەکانی ساڵانی پێش خەڵاتەکە بە بەڵگە دەکات کە ساڵانە لە ٨ی نیسان بەڕێوەدەچێت. 

خانمی یەکەم شاناز ئیبراهیم ئەحمەد لە وتارێکدا باسی لە شاکارەکانی بیرمەند و روناکبیر ئیبراهیم ئەحمەد کرد لە بواری سیاسی و فیکری و ئەدەبی و ڕۆڵی لە بەرەنگاربوونەوەی نادادپەروەری و ستەمکاری و بڵاوکردنەوەی ئازادی و دادپەروەری و  ئاماژەیکرد بە بیرۆکەی پێشکەشکردنی خەڵاتی (بلە) بۆ بەدیهێنانی خەونی خوالێخۆشبوو ئیبراهیم ئەحمەد بۆ ستایشکردن و پێزانین بۆ هەر کەسێکی دڵسۆز  کە وەک سەربازێکی ون لە خزمەتی گەلی کوردستان کاری کردووە.

خانمی یەکەم ئاماژەی بەوەشکرد، عێراق پڕە لەو کەسایەتیانەی کە شایەنی دەستخۆشی و دانپێدانان و شکۆن بۆ هەڵوێستە نیشتمانپەروەرییە دڵسۆزەکانیان، جەختیشیکردەوە کە ئەوان وەک گەوهەر بەنرخن کە ماندوونەناسانە کاردەکەن بۆ خزمەتکردنی گەلەکەمان.

 خاتوو شاناز ئیبراهیم ئەحمەد باسی لە قۆناغەکانی دامەزراندنی ئەم فێستڤاڵەکرد کە  لە ساڵی ٢٠٠٢ وە بەهای باڵای بۆ براوەی خەڵاتەکان بەخشیوە، چ لە ناوخۆی هەرێمی کوردستان و چ بۆ کەسایەتییە نێودەوڵەتییەکان کە لە کاتە سەختەکانی خەباتیان دژی دەسەڵاتی دیکتاتۆری پشتیوانی و هاوسۆزی خۆیان لەگەڵ گەلی کوردمان دەربڕیوە. 

لە میانی مەراسیمەکەدا کە ژمارەیەک لێپرسراو  ئەوانەی لە  ساڵانی پێشوودا خەڵاتەکانیان بەدەستهێنابوو ئامادەبون ، خانمی یەکەم روناکی خستە سەر لایەنە گەشاوەکانی ژیانی بیرمەند و سیاسەتمەدار ئیبراهیم ئەحمەد و بەرهەمە ئەدەبییەکانی، بەتایبەتی ڕۆمانە بەناوبانگەکەی بە ناوی "ژانی گەل" کە لە ساڵی ١٩٥٦دا چاپ و بڵاوکرایەوە.

هەروەها خانمی یەکەم گەلەری زاموای کردەوە کە ماڵی بیرمەند و روناکبیر ئیبراهیم ئەحمەدە کە  تابلۆی هونەری جیاواز لەخۆدەگرێت .

PUKMEDIA