کتێبێک لە نوسینى سەرۆک جەلال تاڵەبانى بڵاوکرایەوە

PUKMEDIA

کۆڕی ناساندن و بڵاوکردنەوەی کتێبی سەرۆک جەلال تاڵەبانى

ئەمڕۆ چوارشەممە 9ى4ى 2025 کتێبێکى سەرۆک جەلال تاڵەبانى لە کۆڕێکدا لە کوردستانى نوێ ناساندن و بڵاوکردنەوەى بۆ کرا.

 کتێبى نووسینەکان لە (خاک) ى (کوردستانى نوێ) دا کە لە نووسینى مام جەلال-ە، ڕۆژى چوارشەممە 9ى4ى 2025، سەعات 11ى پێشنیوەڕۆ لە ساڵۆنى کوردستانى نوێ لە کۆڕێکدا ناساندن و بڵاوکردنەوەى بۆ کرا.


لە کۆڕەکەدا لەتیف نێروەیى لێپرسراوى بۆردى راگەیاندنى یەکێتیى نیشتمانیى کوردستان ئاماژەی بە رۆڵى سەرۆک مام جەلال لە رۆژنامەگەرى کوردیدا کرد و سەرجەم ئەو نوسینانەشی لە دوو توyی کتێبەکەدا بڵاوکراونەتەوە بەشێکن لە نووسینەکانی سەرۆک مام جەلال.

هەر لەکۆڕەکەدا سالار مەحمود ئەندامى سەرکردایەتى یەکێتیى نیشتمانیى کوردستان رایگەیاند: "سەرۆک مام جەلال یەکەمین سەرۆککۆمارى هەڵبژێردراوى کوردە، کە هەموومان بەرامبەر مێژوو و ژیانى کەمتەرخەمیمان هەیە و رەنگە نەتوانرێت وەک خۆی مێژووە پڕ سەروەرییەکەی پێناسەبکرێتەوە ".

کتێبەکە لە بڵاوکراوەکانى دامەزراوەى سەرۆک جەلال تاڵەبانى و مەکتەبى راگەیاندن و هۆشیارییە.

PUKMEDIA