جیاواز لەساڵانی رابردوو یادی ئەنفال دەکرێتەوە

PUKMEDIA

تاوانی ئەنفال

بەبۆنەی 37هەمین ساڵیادی مەرگەساتی ئەنفال لەناوەندەکانی خوێندنی سەربەوەزارەتی خوێندنی باڵاو پەروەردە وانەی تایبەت بەخوێندکاران دەوترێتەوە، هاوکات سەرجەم میدیاکان بەرنامەکانیان تایبەت دەکەن بەو یادە و مامۆستایانی ئاینیش وتاری هەینی بۆ جینۆسایدکردنی گەلی کورد تەرخان دەکەن.

رەمەک رەمەزان قائیمقامی قەزای چەمچەماڵ رایگەیاند:" دوای ئەوەی رۆژی 10-4-2025 داواکاریمان ئاڕاستەی هەر چوار وەزیری خوێندنی باڵاو توێژینەوەی زانستی و پەروەردەو فێرکردن و ئەوقاف و کاروباری ئاینی و رۆشنبیری و لاوان کرد، دەربارەی ئەنجامدانی زنجیرەیەک چالاکی بەبۆنەی یادەکانی ئەنفال و گرنگیدان بەو کەیسە لەناوەندە پەروەردەیی و رۆشنبیری و ئاینیەکان دا، بەسوپاسەوە هەرچوار وەزیر وەڵامیان داینەوەو گشتاندنی زارەکی و نوسراویان ئاڕاستەی سەرجەم دامودەزگاکانی سەربە وەزارەتەکانیان کردووە".

 37 ساڵ  بەر لەئێستا رژێمی دیكتاتۆری بەعس گەورەترین تاوانی دژ بەمرۆڤایەتی ئەنجامدا، بە پیادەكردنی سیاسەتی کاولکردنی دێهاتەکان و راماڵینی، هاوکات بەكۆمەڵكوشتنی ژن و پیاو، منداڵ و پیر و پەككەوتە و زیندەبەچاڵكردنی 182 هەزار لە خەڵكی بێتاوانی كوردستان لە ژێر ناوی ئەنفال.

PUKMEDIA