خۆڵبارین 500کەس رەوانەی نەخۆشخانە دەکات

ئەرشیف

خۆڵبارین

شەپۆلێکی خۆڵبارینی چڕ ناوەڕاست و باشووری عیراقی گرتووەتەوە، تەندروستی پارێزگای نەجەف رایدەگەیەنێت: "زیاتر لە 500 کەس بە هۆی خۆڵبارینەوە تووشی تەنگەنەفەسی قورس بوون و هێندراونەتە نەخۆشخانە".

 عامر جابری وتەبێژی دەستەی کەشناسی عیراق ئاشکرای کرد، شەپۆلی خۆڵبارینەکەکە لە رۆژی دووشەممە 14/4ەوە دەستی پێکردووە و دەڵێت: "شەپۆلەکە لە سعودیەو باشووری عیراقەوە هەڵیکردووەو ماوەی بینینی بۆ کەمتر لە کیلۆمەترێک کەمکردووەتەوە".

شەپۆلەکەی بەچڕی پارێزگاکانی ناوەڕاست و باشووری عیراقی گرتووەتەوە و کەشناسی و کەرتی تەندروستی هۆشداری دەدەن بەهاووڵاتیان کە خۆیان بپارێزن.

بەڕێوەبەری راگەیاندنی تەندروستیی پارێزگای نەجەف رایدەگەیەنێت: "تائێستا زیاتر لە 500 کەس بەهۆی خۆڵبارینەوە تووشی هەناسە توندی و  تەنگەنەفەسی بوون و خراونەتە ژێر چاودێری و چارەسەرەوە".

سەر چاوەکە پێشبینی کرد، ژمارەکە هەڵبکشێت و ئامادەکاریی تەندروستیی کراوەو هاووڵاتیانیشی ئاگادارکردەوە کە رێوشوێنی خۆپارێزی بگرنەبەر.

PUKMEDIA سەرچاوە.. ئاژانسی هەواڵی عیراقی