ئه‌نجامی تاقیكردنه‌وه‌ی دیاریكردنی ئاستی زمانی ئینگلیزی راگه‌یه‌ندرا

PUKMEDIA

تاقیکردنەوەی ئاست

وه‌زاره‌تی خوێندنی باڵا رایگه‌یاندوه‌:"له‌ سه‌عات (1)ی دوای نیوه‌ڕ‌ۆی ئه‌مڕ‌ۆ دووشه‌ممه‌ ڕ‌ێكه‌وتی (2025/4/21) ئه‌نجامی تاقیكردنه‌وه‌كانی خوله‌كانی توانستی زمانی ئینگلیزی له‌ سێنته‌ری زمانی زانكۆكانی هه‌رێمی كوردستان بۆ خوێندكارانی خوێندنی باڵاو خوازیارانی به‌ده‌ستهێنانی نازناوی زانستی له‌لایه‌ن ڕ‌اده‌گه‌یه‌نرێت".

له‌راگه‌یه‌نراوه‌كه‌دا هاتووه‌:"بۆ وه‌رگرتنه‌وه‌ی ئه‌نجامی تاقیكردنه‌وه‌ی كۆتایی ئاسته‌كانی زمانی ئینگلیزی له‌ سێنته‌ری زمانی زانكۆكانی كوردستان كلیك له‌سه‌ر ئه‌م به‌سته‌ره‌ی خواره‌وه‌ بكه‌ن له‌ به‌شی (Exames):

https://lc.digital.gov.krd/#/login

جێگه‌ی ئاماژه‌یه‌؛ به‌ سه‌رپه‌رشتی وه‌زاره‌تی خوێندنی باڵا و توێژینه‌وه‌ی زانستی 3 هه‌زار و 576 خوازیار له‌ (14) سێنته‌ری زمانی ئینگلیزی له‌ زانكۆ حكومییه‌كانی هه‌رێمی كوردستان له‌ ڕ‌ێكه‌وتی (13 تاكو 17/ 2025/4) به‌شداریان كرد له‌ تاقیكردنه‌وه‌ی دیاریكردنی ئاست (Placement test)ی زمانی ئینگلیزی .

PUKMEDIA