نرخی نەوت بەرزدەبێتەوە

PUKMEDIA

نرخی نەوت

ئەمڕۆ دووشەممە 28-4-2025 نرخی نەوت بەرزبوونەوەی بەخۆیەوە بینی، سەرەڕای ئەوەی دانوستانە بازرگانییەکانی ئەمریکا و چین بەردەوامە، هاوکات ماوەی سێ رۆژە بەبەردەوامی نرخی نەوت لە بەرزبوونەوەدایە.

نرخی بەرمیلێک نەوتی خاوی برێنت 39 سەنت بەرزبوەوە و گەیشتە 67.27 دۆلار، هاوکات نرخی بەرمیلێک نەوتی خاو 43 سەنت بەرزبوەوە و گەیشتە 63.50 دۆلار.

ئەم ژمارانەش نیگەرانی وەبەرهێنەران سەبارەت بە زیادبوونی دابینكردنی پێداویستی جیهانی دەردەخات، هاوكات بازاڕەكانی نەوت هێشتا ناجێگیرن، بەهۆی نەبوونی دڵنیایی لە ناكۆكی بازرگانی نێوان چین و ئەمەریكا كە دوو گەورەترین بەكارهێنەری وزەن لە جیهاندا، پێشبینیەكانی خاوبوونەوەی خواست لەسەر سووتەمەنی لەجیهاندا زیاد دەكات.

هاوکات دانوستانەكانی ئەتۆمی لەگەڵ ئێران هۆكارێكی دیكەی گۆڕینی بازاڕی نەوتە، ئەگەر نەوتی ئێران بە شێوەیەكی كاریگەر بگەڕێتەوە بۆ بازاڕ ئەوا بڕێكی زۆر لە نەوتی ئێران بەرهەم دەهێنرێت و دابینكردنی جیهان زیاد دەكات و لەوانەیە ببێتە هۆی دابەزینی زیاتری نرخەكان، ئەم ئەگەرانە وەبەرهێنەران هان دەدەن كە وریا بن و چاودێری ڕەوتی گفتوگۆكان و كاریگەری ڕاستەوخۆیان لەسەر هاوسەنگی هەبێت.

PUKMEDIA