قوباد تاڵەبانی: مەبەستمانە حكومەتێكی خزمەتگوزار و یەكگرتوو پێكبهێنین

راگەیاندنی قوباد تاڵەبانی

كۆبوونەوەی قوباد تاڵەبانی لەگەڵ كونسوڵی گشتیی ئەمریكا

قوباد تاڵەبانی، جێگری سەرۆكوەزیران پێشوازی لە ستیڤن بیتنەر، كونسوڵی گشتیی ئەمریكا لە هەرێمی كوردستان كرد و پێكەوە تاوتوێی دۆخی ناوخۆی هەرێم و گفتوگۆكانی پێكهێنانی حكومەتی نوێیان كرد.

لە كۆبوونەوەكەدا كە رۆژی سێ شەمە(29/4/2025) بەڕێوەچوو، باس لە دواین بەرەوپێشچوونەكانی دانووستانەكانی پێكهێنانی كابینەی نوێی حكومەتی هەرێمی كوردستان كرا. جێگری سەرۆكوەزیران بە ئاماژەدان بە دواكۆبوونەوەی نێوان پارتی دیموكراتی كوردستان و یەكێتیی نیشتمانیی كوردستان رایگەیاند، قۆناغێكی نوێی گفتوگۆكان دەستی پێ كردوە و بەردەوامیش دەبین تا ئەو كاتەی دەگەینە رێككەوتنی كۆتایی. 

قوباد تاڵەبانی جەختیشی كردەوە مەبەستیانە حكومەتێكی بەهێز و یەكگرتوو و خزمەتگوزار پێكبهێنن و هیواشی خواست لە ماوەیەكی نزیكدا و بەر لە هەڵبژاردنەكانی ئەنجومەنی نوێنەرانی عیراق كابینەی نوێ پێكبهێنرێت.

PUKMEDIA