‌گۆتیرێز: گۆڕانكاری دیمۆگرافی لە غەززە رەتكراوەیە

ئاژانسەكان

ئەنتۆنیۆ گۆتیرێز سكرتێری گشتی نەتەوەیەكگرتووەكان

ئەنجومەنی ئاسایش هەر گۆڕانكارییەكی دیمۆگرافی لە غەززە رەتدەكاتەوە و سكرتێری گشتی نەتەوەیەكگرتوەكانیش دەڵێت: "ئەنجومەنی ئاسایش هەر گۆڕانكارییەكی جوگرافی و دیمۆگرافیی لە غەززە رەتدەكاتەوە".

ئەمڕۆ 29/4/2025 ئەنتۆنیۆ گۆتیرێز سكرتێری گشتی نەتەوەیەكگرتووەكان دووپاتی كردەوە كە غەززە  بەشێكی دانەبڕاوی دەوڵەتێكی داهاتووی فەلەستین  دەبێت و ئەنجومەنی ئاسایش هەر گۆڕانكارییەكی جوگرافی یان دیمۆگرافی لە غەززە رەتدەكاتەوە.


"توندوتیژیی بەرامبەر بە دانیشتووانی كەناری رۆژئاوا  لە ئاستیكی مەترسیداردایەو بەردەوامە، غەززە دەبێت وەك بەشێكی دانەبڕاو لەدەوڵەتێكی داهاتووی فەلەستین بمێنێتەوە و دۆخی كەرتی فەلەستین لە خراپترەوە بۆ خراپتر دەڕوات". گۆتیرێز وادەڵێت.

 سكرتێری گشتی نەتەوەیەكگرتوەكان ئاماژە بەوەدەكات،  كە نزیكەی دوو مانگە ئیسرائیل رێگا نادات  خۆراك و دەرمان بۆ غەززە  بنیردرێت و داوایكرد دووبارە ئاوارەبوون لە غەززە بوەستێنرێت. 

ئاژانسەكان/ PUKMEDIA