لە سلێمانی 10 کیلۆ ماددەی هۆشبەر دەستی بەسەرداگیرا

PUKMIDA

لۆگۆى دەزگاى ئاسایشى هەرێمى کوردستان

بەڕێوەبەرایەتی گشتی نەهێشتنی ماددە هۆشبەرەکانی دەزگای ئاسایشی هەرێم  لە راگەیەنراوێکدا کە کۆپیەکى بۆ  PUKMEDIA نێردراوە، ئاماژەبە ئەوە دەکات: " لەسەر بنەمای ئاڵوگۆڕی زانیاری هەواڵگری ورد و بەهەماهەنگی لەگەڵ بەڕێوەبەرایەتی نەهێشتنی ماددە هۆشبەرەکانی پارێزگای هەولێر، توانرا چالاکییەکی گرنگ ئەنجامبدرێت و چوار بازرگانی ماددەی هۆشبەر دەستگیربکرێن".

لە راگەیەنراوەکەدا ئەوەش خراوەتەڕوو: " لەئەوچالاکیەدا دەست گیراوە بەسەر بڕی(10)کیلۆگرام ماددەی هۆشبەر لەجۆری کریستاڵ لە سلێمانی، بازرگانان بەنیازبوون ئەم ماددە هۆشبەرانە بگوازنەوە بۆ پارێزگای دهۆک و لەئێستادا بەفەرمانی دادوەر چوار تۆمەتبار دەستگیرکراون، سێ تۆمەتباری ئێرانی و یەک تۆمەتباری دانیشتووی هەرێمی کوردستان ".

بەمەبەستی رێگریکردن و بەگژداچوونەوەی ماددە هۆشبەرەکان، دەزگای ئاسایشی هەرێم لە هەماهەنگی و لەئاڵوگۆڕی زانیاری و کاری پێکەوەیی بەردەوامە لەگەڵ سەرجەم دەزگا ئەمنییەکانی حکومەتی هەرێم و حکومەتی عیراق.

PUKMEDIA