عیراق پێشوازی لە ئاگربەستی نێوان هندستان و پاکستان دەکات

واع

بیناى وەزارەتى دەرەوە

وەزارەتی دەرەوەى عیراق پێشوازیی لە بڕیاری ئاگربەستی نێوان وڵاتانى هندستان و پاکستان دەکات.

وەزارەتەکە لە بەیاننامەیەکدا رایگەیاندووە: "کۆماری عیراق پێشوازى لە بڕیاری ئاگربەستی نێوان وڵاتانى هندستان و پاکستان دەردەبڕێت، کە دەستپێشخەرییەکی ئەرێنییە و پابەندبوونی هەردوولا دەردەبڕێت بە نزیکبوونەوەی گفتوگۆى دیپلۆماسی، وەک ئامڕازێک بۆ چارەسەرکردنی ناکۆکییەکان".

وەزارەتەکە دووپاتی دەکاتەوە: "ئەم بڕیارەى هەنگاوێکی ژیرانەیە، بۆ هێورکردنەوەی گرژییەکان لە ناوچەکەدا و رێگە خۆشدەکات بۆ بەهێزکردنی متمانەی یەکتر و دروستکردنی پردی لێکتێگەیشتن و لێک نزیکبوونەوە، هاوکات  ئەو هەوڵانە بەرز دەنرخێنین کە بۆ گەیشتن بەم رێکەوتنە دراون".

وەزارەتى دەرەوەى عیراق ئاماژەی بەوەشکردووە: "چارەسەری هەمیشەیی تەنها لەڕێگەی دانوستانێکی بنیاتنەر و پابەندبوون بە رێککەوتن و یاسا نێودەوڵەتییەکانەوە بەدەستدەهێنرێت، هیوادارین ئەم دەستپێشخەرییە بنەمکانى  پێکەوە ژیانى ئاشتیانە بچەسپێنێت و گەلانى هەردوو  وڵاتی دۆست لە بەڵای ململانێ و کاردانەوەکانی بپارێزێت".

PUKMEDIA