دابەشکردنی مووچەی مانگی نیسان دەستیپێکرد

PUKMEDIA

دراوی عیراقی

ئەمڕۆ 14ی5ی2025 وەزارەتی دارایی و ئابوری حکومەتی هەرێمی کوردستان دابەشکردنی مووچەی دەستپێکرد.

بەپێی ئەو خشتەیەی وەزارەتی دارایی هەرێم بۆ دابەشکردنی مووچە بڵاویکردووەتەوە، ئەمڕۆ هەریەک لە (خانەنشینی شارستانی - خاوەن پێداویستی تایبەت- زیندانییە سیاسییەکان+بەرکەوتووانی کیمیاباران- کەسوکاری شەهیدان و ئەنفالکراوان) مووچە وەردەگرن.

ئەمەش لەکاتێکدایە رۆژی 13ی5ی2025، وەزارەتی دارایی حكومەتی هەرێم لیستی مووچەی مانگی نیسانی فەرمانبەران و مووچەخۆرانی هەرێمی بڵاوكردەوە، بەپێی خشتەكە ئەمڕۆ 14-5-2025، دەست بەدابەشكردنی مووچەی مانگی نیسان دەكرێت و رۆژی یەك شەممە 18-5-2025 كۆتایی بەدابەشكردنەکەی دێت". 
 
هاوکات دوێنێ 13ی5ی2025 دارایی عیراق بۆ مووچەی مانگی نیسانی مووچەخۆرانی هەرێم، بڕی (959,514,000,000) نۆ سەد و پەنجا و نۆ ملیار و پێنج سەد و چواردە ملیۆن دیناری وەك شایستەی مووچەی فەرمانبەران و مووچەخۆرانی هەرێمی كوردستان خستە سەر هەژماری بانكی وەزارەتی دارایی و ئابووری هەرێمی كوردستان لەلقی هەولێری بانكی ناوەندی عیراق.

PUKMEDIA

خشتەی دابەشکردنی مووچەی مانگی نیسان...