عیراق داوای دامەزراندنی زانكۆیەكی ژیری دەستكرد لە چین دەكات

ميدياكان

ژیری دەستكرد

وەزارەتی خوێندنی باڵای عیراق داوایەك لە كۆماری گەلی چین دەكات كە زانكۆیەكی تایبەت بە ژیری دەستكرد لە عیراق دروست بكەن و ئەوداوایەش لە ڕێی باڵیۆزی ئەو وڵاتەوە ئاڕاستەی پەكین دەكات.

بەگوێرەی راگەیەندراوێكی رۆژنامەوانی وەزارەتەكە، ئەمڕۆ 14-5-2025، نەعیم عەبودی وەزیری خوێندنی باڵای عیراق لە میانی كۆبوونەوەیەكیدا لەگەڵ باڵیۆزی چین لە عیراق تەئكیدی كردووەتەوە لە  پەرەپێدانی رێگاكانی هاوبەشی زانستی و لەو بارەیەوە داوایكرد: "زانكۆیەكی عیراقی و چینی تایبەت بە زیرەكی دەستكرد و تەكنەلۆژیای پێشكەوتووی دیجیتاڵی دابمەزرێنن".

تسوی وی باڵیۆزی چین لە عیراقیش لەوەڵامی ئەو داوایەدا پەرۆشی وڵاتەكەی بۆ بەشداریكردن لە هاوكارییە ئەكادیمییە هاوبەشەكان لە بوارەكانی پەروەردە و تەكنەلۆجیا دەربڕی و رایگەیاند: "پێشوازی لە هەنگاوی دامەزراندنی دامەزراوەیەكی ئەكادیمی تایبەت بە زیرەكی دەستكرد دەكەین كە بەشداری بكات لە پەرەپێدانی ژێرخانی زانستی و خزمەتكردنی ئامانجەكانی گەشەپێدانی بەردەوام".

PUKMEDIA