ئەمڕۆ 23 وەزارەت و دەستە و دەزگا مووچە وەردەگرن

PUKMEDIA

دراوی عیراقی

ئەمڕۆ پێنج شەممە 23 وەزارەت و دەستە و دەزگا مووچەی مانگی نیسان وەردەگرن و رۆژی یەك شەممەش كۆتایی بە دابەشكردنی مووچە دێت. 

بەپێی ئەو خشتەیەی وەزارەتی دارایی هەرێم بۆ دابەشكردنی مووچە بڵاویكردووەتەوە، ئەمڕۆ  15-5-2025، هەریەك لە كاروباری شەهیدان و ئەنفالكراوان، پەروەردە، خانەنشینی پێشمەرگە، دارایی و ئابوری، دەستەی دەستپاكی، دەستەی وەبەرهێنان، دەستەی ژینگە، دەزگای مین، ناوچەكانی دەرەوەی هەرێم، كۆمسیۆنی باڵای هەڵبژاردن، دیوانی چاودێری دارایی، مافی مرۆڤ، ئاوەدانكردنەوە و نیشتەجێ كردن، تەندروستی، ناوخۆ، داد، ئەنجومەنی دادوەری، پلاندانان، بازرگانی و پیشەسازیی، سامانە سروشتییەكان، گواستنەوە و گەیاندن، كشتوكاڵ و سەرچاوەكانی ئاو، شارەوانی و گەشتو گوزار، مووچە وەردەگرن.

ئەمەش لەكاتێكدایە رۆژی 13ی5ی2025، وەزارەتی دارایی حكومەتی هەرێم لیستی مووچەی مانگی نیسانی فەرمانبەران و مووچەخۆرانی هەرێمی بڵاوكردەوە، بەپێی خشتەكە دوێنێ 14-5-2025، دەست بەدابەشكردنی مووچەی مانگی نیسان كرا و رۆژی یەك شەممە 18-5-2025 كۆتایی بەدابەشكردنەكەی دێت". 
 
هاوكات هەر رۆژی 13ی5ی2025 دارایی عیراق بۆ مووچەی مانگی نیسانی مووچەخۆرانی هەرێم، بڕی (959,514,000,000) نۆ سەد و پەنجا و نۆ ملیار و پێنج سەد و چواردە ملیۆن دیناری وەك شایستەی مووچەی فەرمانبەران و مووچەخۆرانی هەرێمی كوردستان خستە سەر هەژماری بانكی وەزارەتی دارایی و ئابووری هەرێمی كوردستان لەلقی هەولێری بانكی ناوەندی عیراق.

PUKMEDIA

خشتەی دابەشكردنی مووچەی مانگی نیسان ...