سه‌رۆك كۆمار و سه‌رۆك وه‌زیران: عیراق رۆڵی سه‌ره‌كی له‌ناوچه‌كه‌ بگێڕێت

نوسینگەی رۆژنامەوانی سەرۆککۆمار

سەرۆککۆمار و سەرۆکوەزیرانی عیراق

 ئەمڕۆ سێشەممە 20 ی ئایاری 2025، د.لەتیف جەمال رەشید سەرۆک کۆماری عیراق،  لەکۆشکی بەغداد پێشوازیکرد لە محەمەد شیاع سودانی سەرۆک وەزیرانی عیراق .

لەدیدارەکەدا باس لەو پرسانە کرا کە لەدانیشتنەکانی خولی 34 هەمینی لووتکەی ئاسایی عەرەبی بەغدا بەڕێوەچوو، هەروەها تاوتوێی بڕیار و ڕاسپاردەکان و کارکرن بۆ جێبەجێکردنی ئامانجەکانی لوتکەکە لە پەرەپێدانی ئاسایش وسەقامگیری ناوچەکەدا کرا.

هەروەها ستایشی هەوڵەکانی هەمووان کرا کەیارمەتیدەر بوون بۆ سەرکەوتنی لووتکەکە و دووپاتیش لە پێویستیی هەوڵی زیاتر و کارکردن کرا، بۆ ئەوەی عیراق رۆڵی سەرەکی خۆی لە ناوچەکەدا بەدەست بهێنێتەوە لەڕێگەی هەوڵدان بۆ یەکخستنی هەڵوێستی عەرەبی لەبارەی ئەو پرسە گرنگانەی ناوچەکە و جیهان بەشێوەیەک کە ئاسایش و سەقامگیری  لەناوچەکە پتەوتر بکات.

هەر لە دیدارەکەدا باس لە پێشهاتە ناوچەیی و نێودەوڵەتیەکان و هەڵوێستی عیراق  لەبارەیانەوە کرا و پێداچوونەوەیەکیش بەو هەوڵانەی دراوون و رۆڵی عیراق لە بارەی پرسە ناوچەییەکان و دۆخی وڵات کرا.

هاوکات جەختکرایەوە لەگرنگی پاراستنی سەقامگیری و پەرەپێدانی کەرتی خزمەتگوزاری و گەشەپێدان بە شێوەیەک کە خواستەکانی گەلی عیراق بەدیبهێنێت.

PUKMEDIA