نزیكەی سێ هەزار و 500 زیندانی ئازاد كران

واع

یەكێك لە چاكسازییەكانی عیراق

لە چوارچێوەی جێبەجێكردنی یاسایی لێبوردنی گشتیدا، سێ  هەزار و 441 زیندانی ئازاد كران و وەزارەتی دادی عیراقیش دەڵێت: "لە رێی تیمەكانیانەوە كاری پێداچوونەوەی دۆسیەی زیندانییەكانیان خێراتر كردووە، تاوەكو ئەو زیندانیانە دیاری بكەن  كە بە لێبووردن ئازاد دەكرێن".

ماجد مەنزور بەڕێوەبەری گشتی چاكسازی لە وەزارەتی دادی عیراق ئەمڕۆ 20/5/2025  سێ شەممە لە راگەیەندراوێكدا ئاشكرای دەكات: "كە لە دوای جێبەجێكردنی یاسایی لێبودنی گشتییەوە تا دوێنێ،  3 هەزار و 441 زیندانی لە بەڕێوەبەرایەتییە جیاجیاكانی چاكسازی سەر بە دەستەی چاكسازی عیراق ئازادكراون".

" تیمەكانی وەزارەتی داد  كارەكانیان خێراكردووە بۆ پێداچونەوە بە دۆسیەی زیندانییەكان بۆ دڵنیابوون لەوەی ئەوانەی شایستەی لێبوردنن بەپێی مەرجە یاساییەكان، رێكارە یاساییەكانیان بۆ جێبەجێ بكرێت" مەجید مەنزور وایوت.

لە نوێترین لێدوانیشیدا د.خالید شوانی وەزیری دادی عیراق ئاشكرایدەكات، كە 65 هەزار بەندكراو لەزیندانەكانی عیراقدان و دەڵێت: " ئەو ژمارەیەش دوو هێندەی توانای لە خۆگرتنی زیندانەكانە"، هەروەك ئاشكرای دەكات ئەوانەی دەستدرێژی سێكسی دەكەنە سەر منداڵان و ئەوانەی سەركردەی باڵای داعشن و بەندكراون لەسێدارە دەدرێن".

وەزیری دادی عیراق دەڵێت: " 35 بەندیخانە لەعیراقدا هەن و بە هەموویان نزیكەی 65 هەزار بەندكراویان تێدایە و ئەو ژمارەیەش دوو هێندەی توانای لە خۆگرتنی زیندانەكانە، بەڵام پێشتر قەرەباڵغی زیندانەكان 300% بووە، دوای دەستبەكاربوونمان و دوو ساڵ لەچاكسازی، رێژەكە بۆ 200% دابەزیوە و هەوڵ و ئامانجمان ئەوەیە ساڵی داهاتوو بەپێی پێوەرە نێودەوڵەتییەكان رێژەكە بكەینە 100%".

PUKMEDIA