پارێزگارەكانی هەرێمی كوردستان لەگەڵ سەرۆككۆماری ئێران كۆدەبنەوە

ميدياكان

پارێزگارەكانی هەرێمی كوردستان لە ئێران

ئەمڕۆ 22ی5ی2025، پارێزگارەكانی هەرێمی كوردستان گەیشتنە تارانی پایتەختی كۆماری ئیسلامی ئێران، بڕیاریشە لەگەڵ سەرۆككۆماری ئەو وڵاتە و پارێزگاری تاران و ژووری بازرگانی تاران كۆببنەوە.

وەفدەكەی هەرێمی كوردستان پێكهاتوون لە ئومێد خۆشناو پارێزگاری هەولێر، د.هەڤاڵ ئەبوبەكر پارێزگاری سلێمانی، عەلی تەتەر پارێزگاری دهۆك و نوخشە ناسیح پارێزگاری هەڵەبجە بە وەكالەت و وەفدێكی یاوەریان كە ماوەی  دوو رۆژە بە سەردانێكی رەسمی لە ئێرانن.

بڕیارە، ئەمڕۆ وەفدەكەی حكومەتی هەرێمی كوردستان، لەگەڵ مەسعود پزیشكیان سەرۆككۆماری ئیسلامی ئێران و پارێزگارانی كوردستان، ئازەربایجانی رۆژئاوا و كرمانشا كۆببنەوە، ئەمە جگە لەوەی لەگەڵ پارێزگاری تاران و ژووری بازرگانی تاران كۆدەبنەوە.

PUKMEDIA