سەرۆککۆمار تەئکید لە بەهێزکردنی یەکڕیزی نیشتمانیی دەکاتەوە

نوسینگەی رۆژنامەوانی سەرۆککۆمار

سەرۆککۆماری عیراق و سەرۆکی رەوتی حیکمەی نیشتمانیی

 رۆژی یەکشەممە 25ی ئایاری 2025، دکتۆر لەتیف جەمال رەشید سەرۆککۆماری عیراق، ،لە بەغدا پێشوازیکرد لە سەماحەتی سەید عەممار حەکیم سەرۆکی رەوتی حیکمەی نیشتمانیی.

لە دیدارەکەدا،  رەوشی گشتیی وڵات و پێشهاتە ئیقلیمی و نێودەوڵەتییەکان تاوتوێکران و جەختیان لەسەر گرنگی بەهێزکردنی ئاسایش و سەقامگیری و یەکڕیزی نیشتمانیی و بەردەوامبوونی هاوکاری نێوان هێزە سیاسییەکان کردەوە، لە پێناو بەدیهێنانی ئاوات و ئامانجی عیراقییەکان.

هەروەها، لە کۆبوونەوەکەدا باس لە ئامادەکارییەکان بۆ هەڵبژاردنی پەرلەمانی داهاتوو کرا و  گرنگی بەشداریکردنی سەرجەم پێکهاتەکانی کۆمەڵگەی عیراقی جەختی لەسەرکرایەوە.

PUKMEDIA