سه‌رۆك بافڵ ستایشی رۆڵی سه‌رۆك كۆمار ده‌كات

راگەیاندنی سه‌رۆك بافڵ

پێشوازی سەرۆك بافڵ لە سەرۆككۆماری عیراق

بافڵ جەلال تاڵەبانی، سەرۆكی یەكێتیی نیشتمانیی كوردستان لە دەباشان پێشوازی لە د. لەتیف جەمال رەشید، سەرۆككۆماری عیراق كرد.

لە دیدارێكدا دوایین گۆڕانكارییەكان لەسەر ئاستی وڵات و ناوچەكە گفتوگۆیان لەبارەوەكرا و جەخت لەسەر پاراستنی ئاسایش و ئارامی عیراق و هەرێمی كوردستان كرایەوە.

پەیوەست بە كێشەكانی نێوان هەولێر و بەغدا و كێشە هەڵواسراوەكان هەردوولا جەختیان لە زامنكردنی مافی هەمووان لەسەر بنەمای دەستوور كردەوە و بافڵ جەلال تاڵەبانی ستایشی هەوڵە بەردەوامەكانی د. لەتیف جەمال رەشیدی كرد بۆ نزیككردنەوەی هەڵوێستی لایەنەكان و چارەسەركردنی كێشەكان.

PUKMEDIA