نرخی نەوت زیاتر دابەزی

PUKMEDIA

نرخی نەوت

نرخی نەوت لە بازاڕەكانی جیهاندا بەشێوەیەكی بەرچاو دابەزی و بەرمیلێك نەوتی خاوی برێنت بە 64 دۆلار و 78 سەنت مامەڵەی پێوە دەكرێت و هۆكارەكەشی بۆ زیادبوونی بەرهەمی ئۆپیك پڵەس دەگەڕێتەوە.

ئەمڕۆ 5-6-2025، نرخی نەوت لە بازاڕەكانی جیهاندا زیاتر دابەزی و بەرمیلێك نەوتی خاوی برێنت بە 64 دۆلار و 78 سەنت و بەرمیلێك نەوتی خاوی تەكساسیش بە 62 دۆلار و 68 سەنت مامەڵەی پێوە دەكرێت.

ئەمەش لە كاتێكدایە دوێنێ 4ی6ی2025، نرخی یەك بەرمیل نەوتی برێنت بەرێژەی 0.4% دابەزی و 23 سەنت لە نرخەكەی كەمبووەوە و بە 65 دۆلار و 40 سەنت مامەڵەی پێوە كرا، هاوكات نرخی نەوتی خاوی تەكساسیش بەرێژەی 0.4% دابەزی و بە 63 دۆلار و16 سەنت مامەڵەی پێوەكرا.

بەپێی وتەی شیكەرەوانی ئابووری، هۆكاری دابەزینی نرخی نەوت بۆ بڕیارەكانی ئۆپیك پڵەس پەیوەست بە زیادكردنی بەرهەمی نەوت دەگەڕێتەوە، ئەمە جگە لەوەی كاریگەری دانوستانەكانی نێوان ئەمریكا و ئێرانی لەسەرە.

PUKMEDIA