قەدەغەکردنى گەشتی هاووڵاتیانی 12 وڵات بۆ ئەمریکا جێبەجێ دەکرێت

NBC NEWS

دۆناڵد تره‌مپ سەرۆکی ئەمریکا

ئەمڕۆ گەشتی هاووڵاتیانی 12 وڵات بۆ ئەمریکا قەدەغە دەکرێت و بڕیارەكەی دۆناڵد ترەمپ سەرۆكی ئەمریكا كەوتە بواری جێبەجێكردنەوە.

ئەو بڕیارەی دۆناڵد ترەمپ كە لە هەفتەی رابردووەوە دەركراوە، لە بەیانی ئەمڕۆوە چووەتە بواری جێبەجێكردنەوە و ئێران، لیبیا و سۆماڵ و سودان، یەمەن، ئەفغانستان، میانمار، چاد، كۆماری كۆنگۆ، وڵاتانی گینیا، ئەریتریا و هایتی دەگرێتەوە و چیتر هاووڵاتیانی ئەو وڵاتانە ناتوانن گەشت بۆ ئەمریکا بکەن.

بەپێی ئەو بڕیارە، كۆتوبەند دەخرێتە سەر چوونە ناوەوەی هاووڵاتیانی حەوت وڵاتی دیکە بۆ ئەمریكا.

هەریەک لە  بوروندی، كوبا، لاوس، سیرالیۆن، تۆگۆ، توركمانستان و ڤەنزوێلا کۆتوبەندی گەشتیار بۆ ئەمریکا دەخرێت سەر، گوایە لە وڵاتانەش  مەترسی تیرۆر تێیاندا زۆرە، بەوتەی سەرۆکی ئەمریکا بڕیارەكە بۆ پاراستنی ئاسایشی ئەمریكایە لە هەر هەڕەشەیەك كە لەسەر ئاسایشی نەتەوەیی دروست بێت.

PUKMEDIA