زیاتر لە 100 هەزار گەشتیار سەردانی هەڵەبجەیان کردووە

ئاژانسەکان

گەشتیار و شوێنە گەشتیاریەکان

لە رۆژانی جەژنى قوربان-دا زیاتر لە 100 هەزار گەشتیار سەردانی هەڵەبجە و شوێنە گەشتیارییەکانیان کردووە و گەشتوگوزاری هەڵەبجە رایدەگەیەنێت: "86 ئاگادارکردنەوە بە چەند شوێنێکی گەشتیاری دراوە و تەنها حەوت شوێنی گەشتیاریش سزادراون".

 بەڕێوەبەرایەتی گشتی گەشتوگوزاری هەڵەبجە راگەیەنراوێکى بڵاوکردەوە و رایگەیاند: "لە رۆژانی جەژنی قورباندا زیاتر لە 100 سەد هەزار گەشتیار سەردانی ناوچە گەشتیارییەکانی پارێزگای هەڵەبجەیان کردوە، هەروەها تیمەکانی گەشتوگوزاری هەڵەبجە 86 ئاگادارکردنەوەیان بۆ چەند شوێنێکی گەشتیاری كردوە و حەوت شوێنیش سزادراون".

"بەهاوكاری دەزگا ئەمینەكان و لایەنە پەیوەندیدارەكان، پلانەكانی رۆژانی جەژنیان بە سەركەوتویی جێبەجێكردوە وهیچ حاڵەتێکی نەخوازراو رووی نەداوە"، گەشتوگوزاری هەڵەبجە وادەڵێت.

بەگوێرەی راگەیەندراوەکە، لە  پشوەکانی جەژنی قورباندا پێشوازی زیاتر لە 100 هەزار گەشتیار و سەردانیکەر کراوە، كە سەردانی ناوچە گەشتیارییەکانی  پارێزگاکەیان کردووە و  چوار هەزار و 433 گەشتیار ماونەتەوە.

 PUKMEDIA