هاوكاری هاوپه‌یمانان به‌سه‌ر وه‌زاره‌تی پێشمه‌رگه‌دا دابه‌شده‌كرێت

PUKMEDIA

دراوی عیراقی

هاوكاریی دارایی هاوپەیمانان بۆ مانگی 5 بەسەر وەزارەتی پێشمەرگەدا دابەشدەكرێت و ئەم مانگە زیاتر لە 61 هەزار ئەفسەر و پێشمەرگە بەشێوەی ئەلكترۆنی ئەو هاوكارییە وەردەگرن.

له‌ راگه‌یه‌ندراوێكدا كه‌ كۆپیه‌كی بۆ PUKMEDIA نێدراوه‌، وه‌زاره‌تی پێشمه‌رگه‌ ئاماژه‌ بۆ ئه‌وه‌ده‌كات: "سبه‌ینێ 11ی 6ی 2025 هاوكاریی دارایی هاوپه‌یمانان بۆ مانگی 5  ته‌مویلی وه‌زاره‌تی پێشمه‌رگه‌ ده‌كرێت و دوای ئه‌نجامدانی رێكاره‌كان له‌ رۆژی پێنج شه‌ممه‌ 12ی 6ی 2025 ده‌ست به‌دابه‌شكردنی به‌سه‌ر ئه‌فسه‌ر و پێشمه‌رگه‌كانی سه‌ر به‌ دیوانی وه‌زاره‌ت و یه‌كه‌كانی سه‌ر به‌وه‌زاره‌تی پێشمه‌رگه‌ ده‌كرێت".

هه‌ر له‌ راگه‌یه‌نراوه‌كه‌دا هاتووه‌: "له‌م مانگه‌دا،  61 هه‌زارو 375 ئه‌فسه‌ر و پله‌دار و پێشمه‌رگه‌ به‌شێوه‌ی ئه‌لكترۆنی ئه‌و هاوكارییه‌ وه‌رده‌گرن".

PUKMEDIA / راگه‌یاندنی وه‌زاره‌تی پێشمه‌رگه‌