تاكە رزگاربوویەك باسی كەوتنە خوارەوەی فڕۆكەكەی هندستان دەكات

ميدياكان

رامش ڤاشكۆماری

رامش ڤاشكۆماری هندیی، تاكە رزگاربووی ئەو فڕۆكەیە كە بە 242 سەرنشینەوە ئەمڕۆ كەوتەخوارەوە.

رامش شاهیدحاڵی رزگابوو، دەڵێت: "دوای 30 چركە لە فڕینی فڕۆكەكە، دەنگێكی گەورەی تێكشكانی فڕۆكەكەی بەگوێ كەوت، كاتێك خۆم بینییەوە لەناو تەرمی سەرنشینەكاندابووم كە ئاگر لە جەستەیان بەربوو بوو، بەبێ ئەوەی دەنگی هاوار و گریانیان لێوە بێت".

دەشڵێت: "بە ئاستەم چاوەكانم بەلێڵی كەسانێكی بینی كە قۆڵیان گرتم و  گواستمیانەوە بۆ نێو ئەمبوڵانسێك و گەیەندرامە نەخۆشخانە".

ئەمڕۆ پێنج شەممە 12ی6ی2025 فڕۆكەیەكی سەر بەھێڵی ئاسمانی هیندستان كە دەیویست لە فڕۆكەخانەی ئەحمەد ئابادەوە بەرەو لەندەنی پایتەختی بەریتانیا بەڕێبكەوێت، پاش كەمێك لە فڕین بە 242 سەرنشینەوە كەوتەخوارەوە و 241 سەرنشینیان گیانیان لەدەستدا كە خەڵكی وڵاتانی هیندستان، بەریتانیا، پرتوگال و چەند وڵاتێكی دیكەبوون.

PUKMEDIA