عیراق هاتووچۆی ئاسمانیی بەتەواوی راگرت

Reddit

فلایت رادار 24

وەزارەتی گواستنەوە و گەیاندنی عیراق بەتەواوی هاتووچۆی ئاسمانی لەسەرجەم فڕۆکەخانەکانی عیراق بەشێوەیەکی کاتی داخست و رایگەیاند:" بڕیارەکەمان بۆ سەلامەتی و پاراستنی گەشتیارانە لەنێو گرژییە ئەمنییەکانی ناوچەکەدا".

لەڕاگەیەندراوێکدا وەزارەتی گواستنەوە و گەیاندنی عیراق رایگەیاند:"بەهۆی گرژییەکانی هەرێم و بۆ پاراستنی سەلامەتی فڕۆکەوانی مەدەنی لە ئاسمانی عیراقدا، هاتوچۆی ئاسمانیی عیراق بەشێوەیەکی کاتی راگیراوە".

ئاماژەی بەوەشکردووە:" کۆمپانیا گشتییەکان بۆ خزمەتگوزاریی کەشتیوانی ئاسمانی، وردە وردە دەستیانکردووە بە پاککردنەوەی ئاسمانی عیراق لە فڕۆکەکانی گەیشتن و رۆیشتن و ترانزێت، بەمەبەستی پاراستنی سەلامەتی سەرنشینانی گەیشتن بە فڕۆکەخانەکانی عیراق و ئەو فڕۆکانەی کە ئاسمانی ئێمە دەبڕن".

PUKMEDIA