كێشه‌ی وه‌رگرتنی گه‌نمی جوتیارانی ناوچه‌ دابڕ‌ێنراوه‌كان چاره‌سه‌ركرا

میدیاکان

گەنمى جوتیاران

كێشه‌ی وه‌رگرتنی گه‌نمی جووتیارانی ناوچه‌ دابڕ‌ێنراوه‌كانی كه‌ركوك، خورماتوو، مه‌خمور، دیاله‌، به‌هه‌وڵی یه‌كێتی چاره‌سه‌ركرا.

ئه‌ندازیار عه‌بدوڵڵا میروه‌یس سه‌رۆكی لیژنه‌ی كشتوكاڵ له‌ ئه‌نجومه‌نی پارێزگای كه‌ركوك رایگه‌یاند:" دوای ئاگاداركردنه‌وه‌ی خالید شوانی وه‌زیری دادی عیراق له‌ كێشه‌كه‌، هه‌وڵه‌كانی خۆی خسته‌گه‌ڕ‌ بۆ چاره‌سه‌ری كێشه‌ی وه‌رنه‌گرتنی گه‌نمی جوتیارانی ناوچه‌ دابڕ‌ێنراوه‌كانی كه‌ركوك، خورماتوو، مه‌خمور و دیاله، له‌چوارچێوه‌ی هه‌وڵه‌كانیشدا ئه‌نجومه‌نی وه‌زیران بڕ‌یاریدا به‌ وه‌رگرتنی گه‌نمی جوتیاران".

راشیگه‌یاند:" بیانووی ئه‌وه‌ به‌ جووتیاران ده‌گیرا كه‌ گرێبه‌ستی كشتوكاڵییان نییه‌، پاش ئاگاداركردنه‌وه‌ی ئه‌نجومه‌نی وه‌زیرانی عیراق له‌و كێشه‌یه‌، كێشه‌كه‌ چاره‌سه‌ر كرا".

ئه‌وه‌شیخسته‌ڕوو: "وه‌ك ئه‌نجومه‌نی پارێزگا هه‌میشه‌ له‌په‌یوه‌ندیداین بۆ چاره‌سه‌ری كێشه‌ی جوتیاران و رێگه‌ناده‌ین كێشه‌ی زیاتر بۆ جوتیاران دروست ببێت".

PUKMEDIA  /  کوردستانى نوێ