قوباد تاڵەبانی: قەرزارباری پیرەمێردی مەزن و بنكەی ژین-ین

راگەیاندنی قوباد تاڵەبانی

سەردانی قوباد تاڵەبانی بۆ بنكەی ژین

قوباد تاڵەبانی  رایدەگەیەنێت: "وەكچۆن قەرزارباری خزمەتەكانی پیرەمێردی مەزنین بۆ پاراستنی شوناس و زمان و كلتوری گەلەكەمان، بە هەمان شێوە قەرزارباری بنكەی ژین و ئەو كەسانەین كە بەشێكی گەورەی ئەرشیفی پێرەمێردی پاراستووە".

قوباد تاڵەبانی، لە یادی كۆچی دوایی پیرەمێردی شاعیردا، سەردانی بنكەی ژین-ی كرد و رایگەیاند: "لە یادی 75 ساڵەی كۆچی دوایی پیرەمێرد، شاعیر و رۆشنبیر و نیشتمانپەروەری گەورەی كورد سەردانی بنكەی ژینمان كرد لە سلێمانی كە بەشێكی گەورەی ئەرشیفی پێرەمێردی پاراستووە".

راشیگەیاندووە: "زۆر سوپاسی خەمخۆری و ماندووبوونی بەڕێز رەفیق ساڵح، بەڕێوەبەر و ستافی بەڕێوەبەردن و كارمەندانی بنكەی ژینم كرد لە كۆكردنەوە و ئەرشیفكردنی بەڵگەنامە و دەستنووس و پاراستن  و بووژانەوەی سامانی رۆشنبیری و كلتوری و رۆژنامەگەری كوردی". 

ئەوەشی خستووەتەڕوو: "هەروەكچۆن نەوە لە دوای نەوە قەرزارباری خزمەتەكانی پیرەمێردی مەزن و شاعیر و نووسەر و رۆشنبیرەكانی دیكەمانین بۆ پاراستنی شوناس و زمان و كلتوری گەلەكەمان، بە هەمان شێوە قەرزارباری كەسانی وەك رەفیق ساڵح و بنكەی ژین و هەموو ئەو كەسانەشین كە ئەو سامانە بە نرخەیان بۆ پاراستووین".

PUKMEDIA