عیراق: لە سیستمی سنوورەكانەوە هیچ تیشكدانەوەیەكی ئەتۆمی تۆمار نەكراوە

AFP

هێرشی ئەمریكا بۆ سەر بنكە ئەتۆمییەكانی ئێران

دەستەی نیشتمانی  بۆ چاودێریی ئەتۆمی و تیشكدانەوە و كیمیایی و بایۆلۆجی عیراق رایگەیاند: "هیچ پیسبوونیكی ژینگە و تیشكدانەوەیەكی ئەتۆمی، بەهۆی بوردومانكردنی سێ بنكە ئەتۆمییەكەی ئێرانەوە نەبووە و هەموو ئامادەكارییەكیش بۆ رووبوونەوەی حاڵەتی نائاسایی تیشكە ئەتۆمییەكان كراوە ".

ئەمڕۆ 22ی6ی2025،  فازڵ حاوی مەزبان، سەرۆكی دەستەی نیشتمانی  بۆ چاودێریی ئەتۆمی و تیشكدانەوە و كیمیایی و بایۆلۆجی عیراق، لە راگەیەندراوێكدا  دڵنیاییدا كە هیچ مەترسییەكی تیشكدانەوەی ئەتۆمی بەهۆی بۆرومانی بنەكە ئەتۆمییەكانی ئێرانەوە نەبووە و رایگەیاند: "لە ئەنجامی هێرشە ئاسمانییەكانی ئەمڕۆی ئەمریكا بۆ سەر دامەزراوە ئەتۆمییەكانی ئێران،  هیچ ئاماژەیەك بە پیسبوونی تیشكدەرەوەی تۆمارنەكراوە، رێگەی چاودێریكردنی پێوانەكانی سیستمی چاودێریكردنی تیشك و ئاگاداركردنەوەی پێشوەختە و پێوانەكانی پاشخانی تیشكدانەوە لە دەروازە سنوورییەكان".

" لە یەكەم رۆژی هێرشەكانی ئیسرائیل بۆ سەر ئێران لە 13ی ئەم مانگە  ژووری ئۆپەراسیۆنی ناوەندی بۆ فریاكەوتنی تیشكی و ئەتۆمی راسپێردراوە  بۆ ئامادەكاری و روبەڕوبوونەوە و وەڵامدانەوەی حاڵەتە نائاساییە ئەتۆمییەكان و تیشكییەكان و  رێوشوێنی گونجاو گیراوەتەبەر و هەموو پێوانەكان لە سنووری پاشخانی تیشكی سروشتیدا بوون، لە سەرەتای قەیرانەكەوە  چاودێریی و  شیكاریی رەوتی رووداوەكان دەكرێت". فازڵ مەزبان وادەڵێت.

پێشتریش د. هەڤاڵ ئەبوبەكر پارێزگاری سلێمانی رایگەیاندووە: "لە سلێمانی ئامێری پشكنینی تیشكدانەوەی ئەتۆمی دانراوە، كە 10 ساڵ لەمەوبەر و لەسەر ئەركی حكومەتی عیراق ئامێری پشكنینی تیشكدانەوەی ئەتۆمی بۆ فەرمانگای ژینگەی پارێزگای سلێمانی بۆ سنووری پارێزگای سلێمانی دابینكراوە و بەبەردەوامی تیمی پسپۆڕی فەرمانگەكە چاودێریی دەكاتو لە ئێستاشدا بەهۆی ئەم دۆخەی ناوچەكەی پێداتێدەپەڕێت، بەردەوامن لە كارەكانیان و تاوەكو ئێستا هیچ ئاماژە و مەترسییەكی تیشكدانەوەیان تۆمارنەكردووە.

ناڕەزایی وڵاتان لە كاتێكدایە، ئەمڕۆ 22ی6ی2025، ئەمریكا بە فڕۆکەی جەنگی و مووشەک هێرشی كردە سەر بنكە ئەتۆمییەكانی فۆردۆ، نەتەنز و ئەسفەهان لە ئێران.

PUKMEDIA