شەڕی ئیسرائیل و ئێران زیاتر لە 1200 گەشتی ئاسمانیی هەرێم رادەگرێت

PUKMEDIA

فڕۆکەخانەی سلێمانی

شەڕی نێوان ئێران و ئیسرائیل 11 رۆژە بەردەوامە و بەهۆیەوە هەزار و 283 گەشتی ئاسمانی لە فرۆکەخانەی نیودەوڵەتی سلێمانی و هەولێر راگیراون، وتەبێژی وەزارەتی گواستنەوە و گەیاندنی هەرێمیش رایدەگەیەنێت :" گەشتەکان بەهۆی شەڕی ئیسرائیل و ئێرانەوە راگیراون".

 ئەمڕۆ دووشەممە 23ی6ی2025 دیلان رەشید وتەبێژی وتەبێژی وەزارەتی گواستنەوە و گەیاندنی حکومەتی هەرێمی کوردستان لە راگەندراوێکی کورت دا رایگەیاند:" دوای داخستنی ئاسمانی عیراق بەهۆی جەنگی نێوان ئیسرائیل و ئێرانەوە، لە ماوەی 10 رۆژی رابردوودا  هەزار و 283  گەشتی ئاسمانی هەڵوەشاونەتەوە".

به‌گوێره‌ی راگه‌یه‌ندراوه‌كه‌،" له‌ فڕۆكه‌خانه‌ی نێوده‌وڵه‌تی هه‌ولێر هه‌زار و 184 گه‌شتی چوون و هاتن هه‌ڵوه‌شاوه‌ته‌وه‌و له‌ فڕۆكه‌خانه‌ی نێوده‌وڵه‌تی سلێمانیش 99 گه‌شتی چوون و هاتن هه‌ڵوه‌شاوه‌ته‌وه‌".

به‌هۆی ئه‌و شه‌ڕ‌ه‌وه‌ كه‌ ئه‌مڕ‌ۆ 23ی6 پێده‌نێته‌ یانزه‌هه‌مین رۆژه‌وه‌، ئاسمانی عیراق و هه‌رێمی كوردستان (جگه‌ له‌ فڕ‌ۆكه‌خانه‌ی به‌سره‌) به‌ته‌واوی داخراون.

ئه‌مه‌ش له‌كاتێكدایه‌، به‌ره‌به‌یانی رۆژی 13ی6 ئیسرائیل هێرشی بۆ سه‌ر ئێران ده‌ستپێكرد و هه‌مان رۆژیش ئێران به‌ موشه‌ك و فڕ‌ۆكه‌ی بێفڕ‌ۆكه‌وان وه‌ڵامی ئیسرائیلی دایه‌وه‌ و تائێستاش شه‌ڕ‌ه‌كه‌  به‌رده‌وامه‌و له‌وچوارچێوه‌یه‌شدا سه‌رجه‌م گه‌شته‌ ئاسمانییه‌كانی هه‌رێمی كوردستان و عیراق راگیران و هه‌تائێستاش هیچ گه‌شتێك ئه‌نجامنادرێت.



PUKMEDIA