ئه‌نجومه‌نی وه‌زیران بۆ پرسی مووچه‌ كۆده‌بێته‌وه‌

میدیاکان

وێنەى کۆبوونەوەیەکى ئەنجومەنى وەزیران

به‌پێی راگه‌یه‌ندراوێكی فه‌رمانگه‌ی میدیاو زانیاری حكومه‌تی هه‌رێمی كوردستان، "ئه‌مڕۆ چوارشه‌ممه‌، 25ی 6ی 2025، ئه‌نجومه‌نی وه‌زیران، به‌ سه‌رپه‌رشتیی مه‌سرور بارزانی، سه‌رۆكی حكومه‌تی هه‌رێمی كوردستان و ئاماده‌بوونی قوباد تاڵه‌بانی، جێگری سه‌رۆكی حكومه‌ت، كۆده‌بێته‌وه‌ و دوو بڕ‌گه‌ گفتوگۆ ده‌كات".

به‌پێی راگه‌یه‌ندراوه‌كه‌،" له‌ بڕ‌گه‌ی یه‌كه‌می كۆبوونه‌وه‌كه‌دا بارودۆخی دارایی ئێستای هه‌رێم و مووچه‌ی مووچه‌خۆران كه‌ بۆ ماوه‌ی دوو مانگه‌ به‌ بڕ‌یارێكی ناده‌ستووریی وه‌زاره‌تی دارایی فیدراڵ، خه‌رجكردنی شایسته‌ داراییه‌كانی هه‌رێم راگیراوه‌ و دواهه‌وڵه‌كانی چاره‌سه‌ری ئه‌م بابه‌ته‌ تاووتوێده‌كرێت، هه‌روه‌ها له‌ بڕ‌گه‌ی دووه‌می كۆبوونه‌وه‌كه‌دا، راپۆرتی وه‌زاره‌تی كار و كاروباری كۆمه‌ڵایه‌تی/ به‌ڕ‌ێوه‌به‌رایه‌تیی گشتیی كار و ده‌سته‌به‌ری كۆمه‌ڵایه‌تی، سه‌باره‌ت به‌ خانه‌نشینی و ده‌سته‌به‌ری كۆمه‌ڵایه‌تیی كرێكاران له‌ هه‌رێمی كوردستان و پێشكه‌شكردنی ئامار و زانیاریی به‌ره‌وپێشچوونه‌كان له‌مباره‌یه‌وه‌ گفتوگۆ ده‌كرێت".


PUKMEDIA