كۆمسیۆن وادەی پێشكەشكردنی لیستی كاندیدانی درێژنەكردەوە

PUKMEDIA

هەڵبژاردن و لۆگۆی كۆمسیۆن

ئەنجومەنی كۆمسیارانی كۆمسیۆنی باڵای سەربەخۆی هەڵبژاردنەكانی عیراق، بڕیاریدا درێژكردنەوەی وادەی پێشكەشكردنی لیستی كاندیدەكان بۆ هەڵبژاردنی ئەنجوومەنی نوێنەرانی عیراق پەسەند نەكات، كە بڕیارە رۆژی 11-11-2025، ئەنجام بدرێت.

بەپێی نووسراوێكی ئەنجومەنی كۆمسیارانی كۆمسیۆنی باڵای سەربەخۆی هەڵبژاردنەكانی عیراق، كە ئەمڕۆ 25ی6ی2025 دەرچووە و كۆپییەكی دەست  PUKMEDIA كەوتووە، ئەنجومەنی كۆمسیاران بڕیاریداوە درێژكردنەوەی وادەی پێشكەشكردنی لیستی كاندیدەكان بۆ هەڵبژاردنی ئەنجوومەنی نوێنەرانی عیراق پەسەند نەكات، پاڵپشت بە خشتەی كاتی پڕۆسەكانی هەڵبژاردنی ئەنجومەنەكە، كە لەلایەن ئەنجومەنی كۆمسیارانەوە بە بڕیاری ژمارە 1 لە كۆنووسی نائاسایی 13 لە رۆژی 24ی4ی2025 پەسند كراوە.

ئەمەش لە كاتێكدایە، ئه‌نجومه‌نی وه‌زیرانی عیراق، رۆژی 9ی4ی2025 له‌ كۆبوونه‌وه‌ی ئاسایی خۆیدا، رۆژی 11ی11ی2025ی وه‌ك رۆژی ئه‌نجامدانی هه‌ڵبژاردنی ئه‌نجومه‌نی نوێنه‌ران دیاریكرد.

PUKMEDIA

 دەقی نووسراوەكەی ئەنجومەنی كۆمسیاران: