دەستبەسەر زياتر لە 14 ملێون لیتر سوتەمەنی قاچاخدا دەگیرێت

ميدياكان

تانكەری سوتەمەنی

پۆلیسی وزەی عیراق رایدەگەیەنێت: "تەنها لەم مانگەدا توانیومانە دەستبەسەر  زياتر لە 14 ملێون لیتر سوتەمەنی قاچاخدا بگرین و 605 داوكراویش دەستگیر بكەین، هاوكات دەستمان بەسەر 14 ملێون لیتر سووتەمەنی قاچاخدا گرتووە".

لیوا زافر حوسێنی بەڕێوەبەری گشتی پۆلیسی وزەی عیراق رایگەیاند: "تەنها لە مانگی شەشدا هێزەكانمان توانیویانە دەستبەسەر  زياتر لە 14 ملێون لیتر سوتەمەنی قاچاخدا بگرن  و 605 كەسی داوكراویش دەستگیر بكەن".

وتیشی: "هێزەكانمان توانيویانە ئەو بڕە سوتەمەنییە قاچاخە بیگەڕێننەوە بۆ حكومەت و شەسەد و 5 كەسیش لە چوارچێوەی چالاكییەكانی گەڕان وپشكنین بەدوایی باندەكانی قاچاخی سوتەمەنیدا دەستگیركراون".

وتیشی: "هێزەكانمان دەستیان گرتووە بەسەر 15 شۆینی قاچاخی سوتەمەنیدا، هاوكات بەڕێژەی 98% ی توانای باندەكانی دزینی سوتەمەتی تێكشكێندراون و هێزەكانمان بەردەوامدەبن لە پاراستنی سامانی وڵات و پاراستنی دامودەزگا نەوتییەكان و بۆری گواستنەوەی نەوت".

PUKMEDIA