ئەفسەرێکی یەکێتی لە ئەمریکا بڕوانامەی ماستەری بە دەستهێنا

تایبەت

عەقیدی ئەندازیار مراد تارق جەباری

لە چوارچێوەی پلانی مەشقی هاوبەشی وەزارەتی پێشمەرگە و هێزەکانی هاوپەیمانان، عەقیدی ئەندازیار مراد تارق جەباری لە زانکۆی بەرگری نیشتمانی ویلایەتە یەکگرتووەکانی ئەمریکا، بڕوانامەی ماستەری لە بواری دیراساتی ئاسایشی ستراتیجی نێوودەوڵەتی بەدەستهێنا، هاوکات لەگەڵ بڕوانامەی ماستەرەکە دوو بڕوانامەی تری پێبەخشرا.

ماوەی خوێندنەکە یەک ساڵ بوو تیایدا ئەفسەری زیاتر لە 74 وڵات لەگەڵ ئەمریکا بەشدارییان کرد،لە کۆرسی خوێندنی ئەمساڵدا، کە لە 12ی حوزەیرانی2025، بە ئامادەبوونی سەرۆکی زانکۆی بەرگری نیشتمانی و راگرانی هەر چوار بەشەکەی زانکۆ ئاهەنگی دەرچوونیان ئەنجامدا.

زانکۆی بەرگری نیشتمانی ئەمریکا باڵاترین زانکۆی سەربازییە لە ئەمریکا و جیهاندا، ساڵانە شانبەشانی ئەفسەرانی سوپای ئەمریکا، ژمارەیەک ئەفسەر لە وڵاتانی جیهان بەشداری لە کۆرسەکانی خوێندن دەکەن لەو زانکۆیەدا بڕوانامەی باڵا بەدەست دەهێنن.

PUKMEDIA